Cagliari Calcio
| Cagliari Calcio | |||
 | |||
| Paranùmenes: | Casteddu, Rossoblu, I sardi | ||
| Colores: |  Arrubiu e bléu | ||
| Sìmbulos: | Bandera sarda, Mangoni | ||
| Innu: | Tifo Cagliari e boh!! | ||
| Tzitade: | Casteddu | ||
| Istadu: | Itàlia | ||
| Cunfederatzione: | FIFA, UEFA | ||
| Federatzione: | FIGC | ||
| Campionadu: | Serie A | ||
| Fundatzione: | 1920 | ||
| Rifundatzione: | 1935 | ||
| Presidente: | Tommaso Giulini | ||
| Allenadore: | Fabio Pisacane | ||
| Istàdiu: | Unipol Domus | ||
| Giassu: | https://cagliaricalcio.com | ||
Articulu in campidanesu
 |
Custu artìculu est galu unu abbotzu. Lu podes modificare e fàghere mannu e pretzisu. Agiuda·si! |
Su Cagliari Calcio est sa sotziedadi de fùbalu de Casteddu, est sa prus connota de sa Sardigna in Italia.
Est nàscia in su 1920. Unu de is momentus prus importantis de s'istòria sua est sa bitoria de su Scudetto in su campionau de sa Serie A Italiana in s'annu 1969/1970.[1] In su "Cagliari Calcio" at giogau Gigi Riva puru, unu de is prus mannu campionis de su fùbalu mundiali de totus is tempus. Poi de Massimo Cellino, su presidenti de oi est Tommaso Giulini e s'allenadori Fabio Pisacane.
Istoria
[modìfica | modìfica su còdighe de orìgine]Arrexini e nàscida
S’istoria de s’iscuadra incumintzat in is primas fasis suas in su 1902 candu in Pratza de is armas, istudiantes casteddajus giogaiant un incontru cun una pariga de marineris genovesus, partida chi fiat binta de is ligurus gratzias a is connoscèntzias in prus de su giogu de su fubalu. In su 1910 un atra crica de primus atletas sardus cun sa Sotziedadi de Ginnastica Amsicora giogaiant unu torneu in Italia, in Torinu, oteniendi derrotas sceti ma a su matessi tempus imparendi meda cosas de custa esperentzia, imparus chi ant portadu a sa nàscida de is basis po s’iscuadra chi oi connoscius.
Su 30 de Maju 1920 su silugianu sitzilianu Gaetano Fichera fundat su Cagliari Football Club gioghendi sa prima partida insoru s'8 de Cabudanni de su matessi annu contra sa Torres in su logu de su Staddaxu Meloni in sa de immoi arburada Trieste in Casteddu.
Su primu allenadori de s’iscuadra fiat Giorgio Mereu, cun sa cali at podidu binciri su primu Torneu Sardu contra is atras iscuadras de sa Torres, Ilva Maddalena e Elianora de Arborea. Mereu chi traballiat cumenti abogau, diventaiat in su mesu de is annus '20 su secundu presidenti a pustis de Fichera. Posca a suta de s’autoridadi fascista de su podestadi de Casteddu Vittorio Tredici, interntantu de una crisi finantziaria de sa sotziedadi, sutzediat a su rolu de presidenti su meri Carlu Costa Marras chi dae custu momentu detzidiat de fai bintrai in s’iscuadra giogadoris de foras, dae is ambientis militaris puru. In su 1925 s’iscuadra spostat su campu de giogu suu, dae su Staddaxu Meloni a su Campu de bia Pola. In su 1928 arribat a su rolu de allenadori s’ungheresu Robert Winkler su cali giogaiat cumenti mesu de campu e porteri puru.
Fintzas a su 1928, chentza contai sa partecipatzioni a sa Coppa Italia 1926-1927, sa sotziedadi pigat parti a is campionaus sardus sceti. In s’istajoni 1928-1929 giogat po sa prima borta in dd’unu campionau intra-regionali, su Campionau de su Meridioni, in su gironi de Latziu e Umbria. S’iscuadra arribat a sa finali ma benint sderrota dae su Lecce, Palermu e Foggia. A pustis de sa 5° positzioni in su 1930, arribat cumenti allenadori s’ungheresu Ernő Erbstein, cun issu su Casteddu bincit su gironi F de Prima Divisioni oteniendi sa finali contra sa Salernitana e bincendi s’ispareggiu bintrendi aici in sa prima borta sua in sa Serie B Italiana.
Sa mancantzia de arresorsas finantziarias, custringint sa sotziedadi a bendi is mellus giogadoris suus, Erbstein puru. Po causa de custa situatzioni s’iscuadra fait fatiga a oteni sa sarbesa in is primus 2 annus de sa Serie B e a su tertzu in su 1933-1934 arriscat de si calai in sa Serie C, sarbada sceti de un arrepiscamentu. Cun s’arribu de su presidenti nou, Aldo Pacca sa sotziedadi giai calada in Serie C non s’iscrit prusu a su campionau de tertzia serie e s’istrogat po is debitus.
Arrenascida e sa Segunda Gherra Mundiali
S’iscuadra est arrecostituida cumenti “Unione Sportiva Cagliari” chi pigat s’eredidadi de sa sotziedadi de Fichera. Dae su 1937 s’iscuadra giogat de nou in sa Serie C Italiana. In su 1938 supresidenti Mario Benditelli pigat de nou cumenti allenadori Winkler arribendi a sa 5° positzioni. In su 1939-1940 gratzias a su giogadori allenadori Mariolinu Congiu s’iscuadra otenit sa 6° positzioni.
S’incumintzu de sa Secunda gherra mundiali in su 10 de Lampadas 1940, sa FIGC dispensat is iscuadras sardas, su Casteddu e sa GIL Terranova dae is campionaus italianus po de is cunditzionis difitzili de is movidas dae sa Sardigna a s’Italia causadas dae sa pelea. Is atividadis isportivas continant in Sardigna, in su mentras Banditelli lassat sa sotziedadi.
Pustigherra e s’artziada in Serie A
In su 1945, s'sicuadra torraiat a giogai in su campionadu regionali de Prima Divisioni e no acoitu in su campionadu italianu po dificultadi economica. In cuddu campionadu, su Casteddu arribaiat primu, a innantis de s'Assotziu Fùbalu de Sardigna chi a pustis de cuddu campionadu bintraiat in s'Unioni Isportiva Casteddu imparis a sa sotziedadi propia de su Casteddu.
In s'annu benienti, su Casteddu arribat a sa 3° positzioni, ma gratzias a sa detzisioni de su amaparu de is iscuadras sardas a torrai in is campionadus italianus, su Casteddu beniant promovidu in sa Serie B, gratzias a is noas detzisionis a sus de su numeru de is gironis de su torneu.
In su 1947 giogaiat sa Serie B arribendi perou a s'ultima positzioni e calaiat in sa Serie C. Dae custa calada, sa sotziedadi benit comporada de Dominigu Loi chi incumitzat unu caminu de arrenascida de su Casteddu.
In s'istajoni de su 1951-1952 su Casteddu bincit su campionadu de Serie C cun is retzas de Livio Gennari, Roberto Serone e Erminio Bercarich e torrat in sa Serie B. In su matessi annu s'iscuadrat si movit dae su campu de Via Pola po giogai in s'Istadiu Amsicora.
In su primu annu in sa Serie B s'iscuadra accantzat sa 6° positzioni contra a is aficus isperaus. In s'annu benienti s'iscuadra arribat in sa 2° positzioni benendi binta 2-0 a s'isparegiu contra sa Pro Patria. In is annus imbenientis s'iscuadra tenit unu pratzamentu bixinu a sa zona de promotzioni cambiendi allenadoris e presidentis. In su 1960 s'iscuadra calat de nou in Serie C, cosas chi cambiat in 2 istajonis candu in su 1962 gratzias a su allenadori Arturo Silvestri su Casteddu torrat in Serie B gratzias a sa prima positzioni a innatis de s'Anconitana.
In s'istajoni de su 1962-1963 su Casteddu arribat a sa 9° positzioni e gratzias a unu mercau de importu arribant in sa rosa de s'iscuadra meda giovunus de talentu cumenti s'istoricu Gigi Riva chi in s'istajoni 1963-1964 donant sa prima promotzioni in sa Serie A a su Casteddu.
Sa Serie A e sa conchísta de su Iscudetu
Notas
[modìfica | modìfica su còdighe de orìgine]- ↑ S’Iscudetu in Casteddu: una festa chi sighit dae 50 annos, in Istòrias, 12 abrile 2020. URL consultadu su 3 maju 2020.