Campu de cuntzentramentu de Theresienstadt

Dae Wikipedia, s'entziclopedia lìbera.


Artìculu in LSC

mapa de su cumplessu de Theresienstadt (1940-45)

Su campu de cuntzentramentu de Theresienstadt est istadu una istrutura de internamentu e disterru usada dae sas fortzas tedescas durante sa segunda gherra mundiale a partire dae su 1940. Sa bidda, chi s'agatat oe in sa Repùblica Ceca e istat a unos 60 km dae Praga, fiat istada incorporada in su de Tres Reich in su 1939, a fatu de s'annessione de sa Boèmia e Moràvia.

Theresienstadt est nodida pro su fatu chi bi fiant betidos unos de sos artistas e intelletuales ebreos mitteleuropeos prus importantes, e pro su fatu ca s'agataiant medas pipios. Fiat presentada dae sa propaganda nazista che unu aposentamentu ebràicu modellu, fiat in realidade logu de acorramentu e ischirriamentu de presoneris de indiritzare prus che totu a sos campos de istermìniu de Treblinka e Auschwitz. Subra unu totale de unos 155 mìgia de ebreos passados dae in ie fintzas a sa liberatzione s'8 de maju de su 1945, si fiant contados 35.440 mortos e unos 88.000 fiant istados deportados pro èssere eliminados.

Pagus dies in antis de s'agabbu de sa segunda gherra mundiale sos natzionalsotzialistas aiant isbarratzdu Theresienstadt. Su 2 de maju de su 1945, sa rughe ruja internatzionale si fiat assuntada s'incuru de sos presoneris de sa tzitade e de sa Fortilesa Minore chi si bi agataiat. S'8 de maju 1945 s'armada ruja fiat intrada in sa tzitade e mèdicos sovièticos e cecoslovacos si fiant incarrigados de atendere sos subrabìvidos. Su rimpàtriu de sos presoneris fiat duradu fintzas a su mese de austu de su 1946. Sos bividores originàrios fiant torrados a s'acussorgiare in is domos issoro in su cursu de su 1946.

Sa Fortilesa Minore at tentu funtzione de campu de presonia pro personas chi aiant retzidu imputos genèricos de crimenes acapiados cun su nazismu, e pro tedescos chi depiant èssere bogados de s'istadu. Su 6 de maju 1947 su guvernu cecoslovàcu aiat agabbadu in sa Fortilesa MInore sos traballos de fraigadura de su Monumentu de su Sufrimentu Natzionale.