Cannaca

Dae Wikipedia, s'entziclopedia lìbera.
Jump to navigation Jump to search
Esempru de cannaca, ordinzada cun ismeraldos

Una cannaca est una casta de prenda o un'alamaramentu chi si zughet a inghìriu de su tzugru. Sas cannacas sunt formadas normarmente dae una cadenita de metallu baliosu, chi podet servire o nono de suportu pro elementos decorativos (infilados che pèrolas, pendentes, eac.).

In su barigare de sos millènnios, sa cannaca at leadu gradativamente formas semper prus rafinadas, moende dae sas filas mengas de biscacos o pedrischeddas de èpogas primitivas, finas a nche cromper a tènnigas de lallaneria bariadoras cunforme a su gustu de sos tempos.

Zai inche sos ezìtios antigos, sos artesanos aiant impreadu pro sas cannacas diferentes materiales, dae su corru a s'ossu, dae su marfiliu a sas pedras tostas. In prus de unu livellu cussideràbile de imazinadura, si fiant ispainadas tènnigas noas de traballadura de materiales baliosos, addae de sa filigrana e de sos ismartos.

Àteras leadas antigas in ue aiant proliferadu sas produiduras rafinadas de cannacas fiant istadas Creta e Mitzena, in ue aiant imperadu cannacas de ametistas. Finas sas cannacas etruscas abundaiant de oro e traballadura a trina, cando ch'in s'era ellenista sos Gregos aiant isvilupadu sos modellos issoro prus creativos, dae sos torches a sos collanas de làmina de brunzu. Totu custos elementos fiant istados releados dae sos romanos, chi b'aiant annantu motivos noos gràssias a s'introduidura de cammeos, coraddos, turchesas, eac.

Si sas cannacas produidas dae s'artesania bizantina aiant evidentziadu s'impreu de monedas e rughes, sa lallaneria bàrbara aiat abundadu de metallu e pedras baliosas.

A pustis de una fase medievale de sintzillia relativa, in su Renaschimentu s'impreu de sas cannacas fiat torradu a esser pobulare e sa lallaneria aiat produidu cabos de òpera beros e autèntigos.

In sos sègulos posteriores, sas cannacas fiant devènnidas un'istrumentu iscrusivamente femininu e aiant leadu una forma prus pagu imbargosa pro ponner in evidèntzia sa bellesa naturale de sas pedras.

Duncas, in su barigare de sos millènnios, si sunt impreados elementos bariados, sos prus comunos de sos cales sunt istadas pedras baliosas o mesubaliosas, zemmas, linna, corzu, biscacos, eac.

Sa cannaca est una de sas prendas utilizadas pro zugher unu sìmbulu cun s'intentu de afirmare sa pertenèntzia a una relizione o a una currente de pessamentu, pro narrer unu santucristu o unu Budda.