Cartas de Arbaree
Limba Sarda Comuna. Abbàida sas àteras bariedades gràficas:
Is Cartas de Arbaree sunt una sèrie de documentas frassas giradas de su 1845 de unu para minore, Gosamu Manca dae Patada.
Intre is cartas bi fiant documentas, crònacas, testos giurìdicos, poemas in latinu, in italianu e in sardu medievale. In beridade is cartas, pro su prus pergamenas, non fiant de s'Arbaree ma assoriant de un'ufìtziu de Casteddu e fiant istadas creadas dae unu artzivista, tzertu Innàtziu Pillito.
Custas fiant retzidas cun unu tzertu entusiasmu in is ambientes acadèmicos sardos. Primu intre totus fiat istadu s'istòricu reatzionàriu Pietro Martini a donare credibilidade a is cartas, publichende in su 1863 is Pergamene, codici e fogli cartacei di Arborea. Custas cartas fiant fintzas cunsideradas originales de medas intelletuales italianos, ca permitiant de annullare s'istentada de sa poesia italiana cara a sa poesia de Proventza e de Frantza.
Sa dibata subra s'autentitzidade issoro fiat sighida durante diversos annos e si fiat concruida petzi in su 1870, cando una cummissione iscientìfica de s'Acadèmia de is Sièntzias de Berlinu, presidida dae Theodor Mommsen, nd'aiat decretadu sa totale frassesa[1].
Notas
[modìfica | modìfica su còdighe de orìgine]- ↑ Manlio Brigaglia, Mommsen nell'isola dei falsari, La Nuova Sardegna, 31 martzu 2009.
Bibliografia
[modìfica | modìfica su còdighe de orìgine]- Carlo Baudi di Vesme, Prima Poscritta alle Osservazioni intorno alla Relazione sulla sincerità dei manoscritti d'Arborea, in Artzivu istòricu italianu, 1871, pp. 142-154
- L. Marrocu, Theodor Mommsen nell'isola dei falsari. Storici e critica storica in Sardegna tra Ottocento e Novecento, Cuec, Casteddu 2009.
- (IT) Pietro Martini, Pergamene, codici e fogli cartacei di Arborea, Casteddu, Timon, 1863.
- (IT) Pietro Martini, Appendice alla raccolta delle pergamene dei codici e fogli cartacei di Arborea, Casteddu, Timon, 1865.