La Nuova Sardegna

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu


La Nuova Sardegna est su giornale prus lèghidu de su nord de sa Sardigna, fundadu in su 1891 in Tàtari dae Giuseppe Castìglia e dae Enrico Berlinguer, mannoi de s'omònimu ex segretàriu de su PCI.

In paris a cussa de Tàtari tenet redatziones in Casteddu, Nùgoro, Terranoa e Aristanis.[1]

Dae su 1980 faghet parte de su Grupu Editoriale L'Espresso. Dae su 1u de nadale de su 2016 su cuotidianu l'ant dadu in gestione (afitu de branca de sienda) a sa DBInformation Spa.

Istòria[modìfica | modìfica su còdighe de orìgine]

Sa de una pàgina de La Nuova Sardegna de su 1897

La Nuova Sardegna est nàschida su de 9 austu de su 1891, fundada dae unu grupu de intelletuales e polìticos democràticu-progressistas, intre sos cales Enrico Berlinguer, Pietro Satta Branca, Antonio Stara, Giuseppe Castìglia, chi boliant creare unu giornale pro sas eletziones cumonales de cuss'annu. Sa nàschida de su cuotidianu tataresu si podet tando paragonare cun su cuncurrente regionale suo de semper, L'Unione Sarda, nàschidu finas cussu pro sas eletziones cumonales, ma a diferèntzia de su chi fiat acontèssidu in Casteddu sos fundadores de sa Noa aiant tentu unu sutzessu eletorale mannu. Est divènnidu unu cuotidianu su 17 de martzu de su 1892.

Durante su regìmene fascista pigat una lìnia polìtica antifascista forte, chi nde càusat 17 secuestros finas a sa serrada sua in su 1926.

Sas publicatziones torrant a cumintzare in su 1947. In su 1967 su giornale lu tzedent a s'imprendidore Nino Rovelli, chi aiat comporadu fintzas L'Unione Sarda. In su 1980 su cuotidianu lu còmporat su Grupu Editoriale L'Espresso. Dae su 1u de nadale de su 2016 La Nuova Sardegna la gestit sa DBInformation Spa.

In sas pàginas culturales ant collaboradu e collàborant Enrico Costa, Giuseppe Calvia, Antonio Pigliaru, Giuanni Lilliu, Manlio Brigaglia, Flavio Soriga, Giulio Angioni, Marcello Fois, e Luciano Marrocu, e at tentu che a cabucronista a Roberto Stefanelli, ammentadu pro s'istitutzione de su candeleri de oro e de prata e pro sa valorizatzione de su maju tataresu, e a su cale ant dedicadu una carrera.

Dae su 2017, a primu cada domìniga e, a pustis, cada duas domìnigas, in su giornale ant incumintzadu a publicare "Limbas 3.0", una pàgina totu iscrita in sardu e curada dae su giornalista Lutzianu Piras cun artìculos, intervistas e interventos medas, ligados mescamente a s'àmbitu culturale.[2]

Ispainadura[modìfica | modìfica su còdighe de orìgine]

Annu Còpias bèndidas Letores
2018 30 193
2008 58 959
2007 58 001
2006 57 950 323 000
2005 59 413 298 000
2004 60 605
2003 60 785
2002 60 678
2001 62 420 327 000
2000 62 163
1999 61 807
1998 62 466
1997 60 713 359 000
1996 60 901

Datos Ads - Atzertamentos Ispainadura Imprenta

Riferimentos[modìfica | modìfica su còdighe de orìgine]

  1. (IT) Ordine dei Giornalisti della Sardegna, in odg.sardegna.it. URL consultadu su 21 maju 2012 (archiviadu dae s'url originale su 28 austu 2011).
  2. Màuru Piredda, Una pàgina pro s’istiu: una dominiga emmo, una dominiga nono, in La Nuova Sardegna, 29 abrile 2018. URL consultadu su 15 trìulas 2021.

Ligàmenes esternos[modìfica | modìfica su còdighe de orìgine]

Situ ufitziale, in lanuovasardegna.it.

Controllu de autoridadeGND (DE1130154637