Nino Rovelli

Nino Rovelli (Solbiate Olona, Varese 1917 – Zurigo, 30 de nadale de su 1990) est istadu un'imprendidore italianu, est istadu su proprietàriu de su grupu chìmicu SIR - Società Italiana Resine.

Notas biogràficas

De famìlia operaia, dae giovaneddu aiat abertu una oficina mecanica in sa idda sua, e cun sos annos aiat comintzadu a produire màchinas pro impiantos industriales; per mesu de cussa atividade fit intradu in cuntatos cun s'indùstria chimica. Si fit poi laureadu in Ingegneria a su Politecnico di Milano.

In su 1948 aiat partecipadu a sas Olimpiades de St. Moritz in s'ispecialidade de su bob a 4 e fit bessidu 11mu.

In su 1948 Rovelli aiat achisidu s'asienda lombarda SIR - Società Italiana Resine. Suta sa gestione suas sa SIR fit crèschida meda, finas a diventare in sos annos '70 su tertzu grupu chimicu italianu (daboi de Eni e Montedison), cun 13 mitza dipendentes in su 1975. Rovelli aiat invèstidu meda in Sardigna, ue sa SIR aiat realizadu su polu petrolchìmicu de Portu Turre e in cussos annos fit diventadu su proprietàriu de sos duos giornales printzipales de sa Sardigna (La Nuova Sardegna e L'Unione Sarda).

In su 1979 Rovelli aiat tzèdidu sa propriedade de sa SIR.

Giassos dae fora

Storia dell'ascesa e della caduta di Nino Rovelli^{[ligàmene interrùmpidu]}

Controllu de autoridade	VIAF (EN) 20629033 · WorldCat Identities (EN) 20629033