Cesareo

Cesareo
Cesareo
Informatziones
Nùmene de nàschida	Davide Luca Civaschi
Nàschidu su	22 de ghennàrgiu de su 1962; Milanu, Lombardia, Itàlia
Gènere musicale	Rock dementziale; Rock progressivu; Pop rock
Ocupatziones	sonadore, composidore, presentadore radiofònicu
Istrumentos	chiterra
Annos de atividade	1983 - oe
Artistas assotziados	Elio e le Storie Tese; Elio (cantadore); Faso; Rocco Tanica; Jantoman; Vittorio Cosma; Feiez; Daniele Silvestri; Massimo Riva; Stefano Nosei; Annalisa Minetti; Perro Negro

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

campidanesu · logudoresu · nugoresu

Cesareo, pseudònimu de Davide Luca Civaschi (Milanu, 22 de ghennàrgiu de su 1962), est unu chitarrista e compositore italianu, membru de su grupu Elio e le Storie Tese.

Carriera[modìfica | modìfica su còdighe de orìgine]

Sos zistros de sos Èlios

Comente cada membru de sos Elio e le Storie Tese, in su cursu de sos annos Cesareo at adotadu, in manera prus o mancu estemporànea, medas zistros. Intre custos: Il Civas, Davidone, Davidino Gorrini o Corrini, Cicatrice, Cesaréo, Cesare, Mimmo, Mimmo Personacchi, Abu Ach Personach, Il Personaggio, Sig. Ciobarelli, Ciuashchi, Ciuàsh, Cimasoni, Luca Gorrini, Devaiule, Sirvaci, Cesareo Fitasgi.

Istrumentista cun capatzidades tècnicas e compositivas istimadas, at militadu in medas grupos emergentes milanesos, intre sos cales sos Urania, in antis de divènnere su chitarrista ufitziale de sos Elio e le Storie Tese in su 1984.

At fintzas collaboradu cun medas artistas, intre sos cales Daniele Silvestri, Massimo Riva, Stefano Nosei, Annalisa Minetti e sos Perro Negro, e cun pessonàgios de s'ispetàculu comente a Claudio Bisio. At iscritu, in paris cun Massimo Riva, su branu Dentro di me, presentadu dae Mara in su Fèstival de Sanremo 1995 in sa setzione "propostas noas" otenende sa finale.

Cesareo si distinghet pro un'istile sòbriu e eficatze e pro sa poliedricidade sua, chi bene s'adatat a sas caraterìsticas de su grupu.

In sa ràdiu presentat, in paris cun Linus e cun sos àteros membros de sos Elio e le Storie Tese, sa trasmissione Cordialmente in direta in Radio Deejay.

In prus de èssere su chitarrista de sos Èlios, Cesareo sonat fintzas cun sos Four Tiles e partètzipat, paris cun unos àteros chitarristas comente a Max Cottafavi e Maurizio Solieri, a sa Notte delle Chitarre, organizada dae su grupu Custodie Cautelari.

Est istadu su primu chitarrista italianu a tènnere unu modellu de chiterra costruida pro issu dae s'Ibanez, sa RGTH57 Cesareo Model, cun una gràfica chi est istada realizada in manera apòsita dae su frade suo (gràficu de professione) ispirende·si a Eddie Van Halen.