Jantoman

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Jantoman
Informatziones
Nùmene de nàschida Antonello Aguzzi
Nàschidu su 6 de nadale de su 1959
Pinerolo, Piemonte, Itàlia
Gènere musicale Rock dementziale
Rock progressivu
Pop rock
Blues
Jazz
Istrumentos tastiera, òrganu
Annos de atividade 1987 - oe
Artistas assotziados Elio e le Storie Tese
Elio (cantadore)
Faso
Rocco Tanica
Cesareo
Meyer
Tenores de Neunele
Biba Band
Robi Zonca
Bravimabasta

Jantoman, pseudònimu de Antonello Aguzzi (Pinerolo, 6 de nadale de su 1959), est unu tastierista e organista italianu.

Biografia[modìfica | modìfica su còdighe de orìgine]

At incumentzadu sa carriera de musitzista professionista in su 1987 partetzipende a albums de artistas italianos e sonende dae su biu cun atores e cabaretistas (Claudio Bisio, Aldo Giovanni e Giacomo, Fabio De Luigi) e traballende in su campu de sa publitzidade.

Sos zistros de sos Èlios

Comente cada membru de sos Elio e le Storie Tese, in su cursu de sos annos Jantoman at adotadu, in manera prus o mancu estemporànea, medas zistros. Intre custos: Jantonello, Jantonello Pillasch, Santoman, Inumano, Uomo, J-man, Puntualizer.

Est su tastierista (in paris cun Rocco Tanica) e su corista de su grupu musicale Elio e le Storie Tese, partinde dae su giru de su 1999, e s'òcupat fintzas de sas fases de mixàgiu de sos discos issoro, ma sa collaboratzione in istùdiu cun su grupu in sas fases de pre e post-produtzione est incumentzada su 1989, cando Jantoman los at adobiadu in su Psycho Studio de Claudio Dentes in ue fiant registrende su primu album. S'intrada de Jantoman, a pustis de sa morte de Feiez, at permìtidu a Rocco Tanica de si francare dae s'impreu de su vocoder. Pro sas dificultades esecutivas de carchi branu, s'est balangiadu su nomìngiu de Inumano. Sonat fintzas in sa Biba Band, in sa banda de Robi Zonca e in sos BravimaBasta, banda nàschida dae sas chisinas de sos Phazee. At bìvidu in Pavia.

In s'istiu de su 1992 at connotu sos cantadores de su Tenore de Neunele, e at collaboradu (in paris cun Elio, Faso, Christian Meyer e Vittorio Cosma, totus àteros membros de Elio e le Storie Tese) a su discu Terra Nostra de su 1996, in ue at sonadu in sa versione in sardu de La terra dei cachi, cantada dae Elio.[1]

Notas[modìfica | modìfica su còdighe de orìgine]

  1. Tenores di Neoneli - Collaborazioni con Elio e le Storie Tese, in Marok.org.
Controllu de autoridadeMusicBrainz 3b7c1cb8-40df-4386-a28d-d2d1cc0cdb40