Die de su Hobbit
Limba Sarda Comuna. Abbàida sas àteras bariedades gràficas:
Sa Die de su Hobbit est su nùmene impreadu pro su 22 de cabudanni, referende·si a sa die de is annos de is hobbit Bilbo e Frodo Baggins, duos personàgios de is libros Su Hobbit e Su sennore de sos aneddos de J. R. R. Tolkien.
A sa chida chi cuntenet sa Die de su Hobbit ddi narant Chida de Tolkien.
Osservadura[modìfica | modìfica su còdighe de orìgine]
Su Sòtziu Tolkien Americanu at proclamadu pro sa prima borta Sa die de su Hobbit e sa Chida de Tolkien in su 1978. De issas narant: "osservamus sa Chida de Tolkien, ca sa chida de su calendàriu cuntenet su 22 de cabudanni, chi est sa Die de su Hobbit", ispetzifichende puru chi sa Die de su Hobbit esistiat giai in antis de sa proclamatzione issoro.[1]
Pro neghe de sa discuncòrdia intre su Calendàriu de sa Contea e su calendàriu gregorianu, ddoe at carchi cuntierra a pitzus de sa die pro tzelebrare sa Die de su Hobbit, sende chi sa die bera diat èssere intre su 12 e su 14 de cabudanni in su calendàriu gregorianu,[2][3][4] comente ispricadu fintzas in s'apenditze de Su Sennore de sos Aneddos.[5]
Tzelebratzione[modìfica | modìfica su còdighe de orìgine]
Sa Cumpangia de s'Aneddu incumentzat cun sa festa de is annos de Bilbo. Est una festa manna cun màndigu, fogos de artifìtziu, ballos e ispàssiu meda.
Unos cantos amantiosos de Tolkien dd'afestant pighende is festas de is Hobbit comente a esempru[3]. Àteros andant a pees iscurtzos pro onorare is Hobbit chi non portant crapitas.
Unas cantas iscolas impreant custa ocasione pro pesare s'interessu a pitzus de Tolkien assetiende ammustras e àteros eventos.[1]
Cunforma a is apenditzes de Su Sennore de sos Aneddos, "Non ddoe at rastru de festamentos de sa gente de sa Contea in is dies de 25 de martzu e de 22 de cabudanni; ma in su Trighingiu Ovest, mescamente in su sartu a inghìriu de su montigru de Hobbiton, fiat crèschida sa costumàntzia de fàghere festa e de ballare in su Campu de sa Festa, cando su tempus ddu permitiat, su 6 abrile."[5] In Gondor, comente si siat, "in onore de Frodo, Yavannie 30, chi currispondet cun su 22 de cabudanni, sa die de is annos suos, ddoe fiat una festa, Cormare o Ringday, e s'annu bisestu fiat istadu prevìdidu addopiende·dda."[6]
Dies curreladas[modìfica | modìfica su còdighe de orìgine]
Un'àtera die tzelebrada dae is amantiosos est su 25 de martzu, die de sa derrota de Sauron. Dae su 2003 sa die est connota comente sa Die de lèghere a Tolkien, acuntessimentu pro incoragire s'impreu de s'òpera de Tolkien in s'imparu e in is grupos de letura.[7]
Riferimentos[modìfica | modìfica su còdighe de orìgine]
- ↑ 1.0 1.1 (EN) Hobbit Day and Tolkien Week, in americantolkiensociety.org.
- ↑ (EN) When was Bilbo and Frodo's Birthday?, in daimi.au.dk.
- ↑ 3.0 3.1 (EN) 8 Academic Holidays, in Neatorama.
- ↑ (EN) Calendars of Imladris, Gondor and the Shire v1.2b, in elvish.org.
- ↑ 5.0 5.1 (EN) J. R. R. Tolkien, The Lord of the Rings, George Allen & Unwin, 1954, p. Appendix D.
- ↑ (EN) The Lord of the Rings 50th Anniversary text, p. 1112.
- ↑ (EN) Tolkien Reading Day, in The Tolkien Society.