Ditadura de sos coronellos

Artìculu in LSC

Bandera de sa Grètzia adotada dae su regìmene in su 1970 e abarrada in usu fintzas a su 1975. Est caraterizada dae una tonalidade prus iscura de biaitu (biaitu note), e dae unu raportu insòlitu de 7:12

Istemmas impreados ambaduos durante sa Junta militare in Grètzia dae su 1967 a su 1974. Su de in artu fiat usadu intre su 1967 e su 1973, su de bàsciu dae in su 1973-1974

Ditadura de sos Coronellos (in gregu: Χούντα των Συνταγματαρχών), inditadu fintzas cun Sa Junta („Η Χούντα“), est istadu su regìmene militare chi at guvernadu sa Grètzia moderna dae su 1967 a su trèulas de su 1974.

Su mangianu de su 21 abrile 1967 cun unu corpu de istadu, sos militares aiant assumidu pòdere in Grètzia. Su regìmene s'aiat pòdidu istabilire pro more de s'importu militare istratègicu chi sa Grètzia teniat pro sa NATO e susetotus pro sos Istados Unidos in unu cuadru de cunflitos cuncadenados chi fiant pighende logu in s'Oriente Mèdiu. Aiat agatadu determinu cun rebellias populares acontèssidas in su santandria de su 1973 a traessu cunflitos internos e càmbiu de pòdere. A pustis de unu cumprou de pigare pòdere in Tzipru cun unu corpu de istadu in su 1974 sa Junta aiat pèrdidu cale chi siat amparu internatzionale, comente fintzas de sos ufitziales suos etotu e si fiat duncas dèpida dimìtere.