Dobrùgia
Artìculu in LSC
Sa Dobrùgia (in rumanu Dobrogea; in bùlgaru Добруджа, Dobrudja; in turcu Dobruca; in gregu Δοβρουτσά, Dovroutsà) est una regione europea partzida intre Bulgaria e Romania, intre su bassu Danùbiu e su mare Nieddu, chi includet su Delta de su Danùbiu, sa costera de Romania e sa parte prus setentrionale de sa costera bùlgara de su mare Nieddu. Su territòriu de Dobrùgia non cunformat un'unidade amministrativa suta unu istadu solu, sende chi si podet partzire sa Dobrùgia Setentrionale, chi faghet parte de Romania, e sa Dobrùgia Meridionale, chi pertenet a sa Bulgaria.
- Su territòriu de sa regione rumena, in die de oe partzidu intre sas conteas de Constanţa e Tulcea, cun una subrafache totale de 15.500 km² e una populatzione unu pagu inferiore a su millione de bividores. Sas tzitades printzipales sunt Constanţa, Tulcea, Medgidia e Mangalia. Sa Dobrùgia est rapresentada dae unos gorfinos a s'iscudu de Romania.
- Sa regione bùlgara, la Dobrùgia Meridionale, chi est dividida intre sas provìntzias de Dòbric e Silistra, tenet una subrafache totale de 7.565 km² e una populatzione de 350.000 bividores.