Duluth

Dae Wikipedia, s'entziclopedia lìbera.

Coordinatas: 46°47′12.98″N 92°05′36.8″W / 46.786939°N 92.093556°W46.786939; -92.093556

Ozieri-Stemma.png
Articulu in logudoresu
Ozieri-Stemma.png

Duluth
Posidura in su Minnesota

Duluth est una bidda istadunidesa logalizada in s'Istadu federale de su Minnesota, in su contadu de Saint Louis, in s'oru de su Lagu Superiore. Sa de bator leadas minnesotianas, Duluth tenet una pobuladura de 86.265 abitadores cunforme a su retzensimentu de su 2010. Duluth est sa de duas logalidades prus mannas in s'oru de su Lagu Superiore a pustis de Thunder Bay su canadesu, e tenet s'arzola metropolitana prus manna de su lagu, cun una pobuladura de 279.771 abitadores in su 2.010, sa de duas prus mannas de su Minnesota. Sa pobuladura urbana de Duluth cumbinada cun sa de sas leadas serentes – incrùdidos Proctor, Hermantown e Superior (zai in su territòriu de su Wisconsin), tenet addae de 131.000 bividores zustu a sos nùmeros retzensidos in su 2.010.

Zeografia[modìfica | edit source]

Situadu in su puntu prus ponentesu de sos Lagos Mannos, in s'oru nordu de su Lagu Superiore, Duluth est sizìbile dae s'Otzèanu Atràntigu, a largu 3.700 chilòmetros, peri sos Lagos Mannos e su riu Santu Larentu. Custa posissione bantazosa rennet Duluth su primu portu de aba durche de su mundu, in ue segurant naes cun banderas de dusinas de paìsos diferentes.

Duluth format un'arzola metropolitana cun Superior chi est narada “The Twin Ports”, “Sos Portos Cròbinos”. Sas biddas cumpartzint sa baìa de Duluth-Superior e impare custìtuint su portu prus importante de su Lagu Mannu pro su trasportu de carvone, minerale ferrosu (taconita) e trigu. Destinu turìstigu de sinnìfigu pro s'Uestu tzentrale, Duluth istranzat s'ùnigu abàriu de aba durche de sos IAA, s'Abàriu de sos Lagos Mannos, e su ponte Aerial Lift, chi aunit su canale portencu de Duluth cun sa baìa de Duluth-Superior. Sa bidda rapresentat finas su puntu de partida de sos biazos in caminu a longu de s'oru tramuntanesu de Minnesota.

Sa tzitade est titulada cunforme a Daniel Greysolon Le Sieur du Luth, su primu isproradore europeu cunnotu chi nch'apat sizidu sa zona.

Pessonalidades relassionadas cun Duluth[modìfica | edit source]

Duluth est sa bidda de nàschida de Bob Dylan su cantadore e de Bill Berry su baterista antigu de sos R.E.M.

Àteros progetos[modìfica | edit source]