Feminismu

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Artìculu in LSC
Flag of Sardinia, Italy.svg

Unu sìmbulu de su Movimentu Feminista radicale, chi cunsistit in su sìmbulu astronòmicu e astrològicu de su praneta Vènere, fintzas connotu che su sìmbulu de sa diosa romana Vènere, e su pùngiu serradu, sìmbulu de sos primos movimentos pro su ''pòdere'' de sos annos '60 e primìtzios de sos '70.

Su feminismu est su colletivu de su movimentu feminista e sa teoria feminista. Su movimentu feminista si movet in duas maneras simultàneas e cumplementàrias, chi sunt s'atzione mediante sa teoria e s'atzione pro mèdiu de sa pràtica. Sa teoria feminista, durante sas diferentes undadas suas, est s'impare de sièntzias, mescamente sotziales (comente sa psicologia o s'economia) e naturales (comente sa biologia o sa meighina), revisitadas o istudadas dae una bisura crìtica pro su chi pertocat su feminismu. A primìtziu s'intentaiat a "currègere" su sessismu de teorias sientìficas chi, marcadas dae un'inclinatzione culturale patriarcale, cunsideraiant inferiores sas fèminas, comintzende a seberare sa divisione moderna intre polìtica e sièntzia.

Su movimentu feminista o feminismu sotziale tenet a obietivu de megiorare sa situatzione de inferioridade de sa fèmina e ismascarare sas disugualades sotziales, polìticas, econòmicas e giurìdicas de sa fèmina respetu a s'òmine. Mescamente in sos primos tempos, est istadu a fortza assotziadu a s'anarchismu. Fintzas atziones teòricas e pràticas, comente pro esempru manifestos, declaratziones, proas e cunferèntzias, atòbios, manifestatziones, isciòperos de su fàmene, e pro fintzas, in una prima època, aiant atentadu a s'òrdine pùblicu cun sos arrestos cunsighentes.

Sa teoria feminista o feminismu acadèmicu, mediante sas sièntzias sotziales (istùdios de gènere, istùdios de sas fèminas), s'incàrrigat de ismontare tzertesas chi sa comunidade sientìfica teniat assùmidas dae bisura petzi màscrina, androtzèntrica, e a s'ispissu patriarcale. In die de oe, sa teoria feminista liberale partit dae s'idea chi, foras de istereòtipos e rolos de gènere limitantes, b'at un'ùnica natura umana asessuada e cada persone est unu sugetu lìberu e autònomu.

Artìculos ligados[modìfica | modìfica su còdighe de orìgine]

Àteros progetos[modìfica | modìfica su còdighe de orìgine]