Francu Angioni

Dae Wikipedia, s'entziclopedia lìbera.
Angioni (a manca) impare a s'ex presidente de sa repùblica italiana Sandro Pertini e Mustafà Haoui

Francu Angioni (Tzivitabetza, 25 de austu 1933) est unu zenerale italianu de orìzine sarda.

Biografia[modìfica | modìfica su còdighe de orìgine]

Cadete antigu de s'Iscola Militare Nunziatella, at frechentadu s'academia miliare e est istadu ufissiale de s'Armada italiana, sizende su gradamentu de zenerale de Corpus de Armada.

Ufissiale de sos pararutistas, at mandadu su Batallone de Sabotadores de sos Pararutistas (numenadu in fatu Batallone de assartu de pararutistas “Col Moschin”).

Intre su cabudanni de su 1.982 e su frearzu de su 1.984, in su cuadru de sa Prima Gherra Libanesa e posteriormente a su massacru de Sabra e Shatilain Beirutu, at ghiadu su continzente italianu (ITALCON) in tempus de sa missione Lìbanu 2. Custa ùrtima, a su printzìpiu, fiat nàschida comente initziativa ONA, peroe su betu postu dae s'URSS aiat annulladu s'èzida internassionale in s'ìnteri chi su continzente fiat in navegadura chirru a su Lìbanu, pro custa resone ITALCON si fiat mudada in protzessu de tarea in un'isfortzu mescamente nassionale. Comente cunseghèntzia dereta, sos mèdios VCC-1 Camillino impreados in su terrinu fiant istados, in onzi manera, colorados in arbu (identifigadura de mèdiu ONA), peroe aiant zutu pintada sa bandera italiana.

S'interventu a Lìbanu, in tempus de su cale siat su continzente ameriganu siat su frantzesu aiant tentu pertas graes a beru in fatu de duos atentados, fiat istadu gràssias a Angioni unu modellu chi si nde fiant refertos finas sas missiones italianas posterioras a logu istranzu. Sa postura de su zenerale, difatis, fiat istada sa de impeller sos sordados suos pròpios a cunnoscher sa curtura logale, subra de sa cale aiat repartzidu libros a totus. Custu aiat permìtidu a sos italianos de cumprender sas resones de sas partes e si proponner comente fortza de interponidura, prus a prestu chi comente s'ennèsimu continzente istranzu in terra libanesa. Sas relassiones cun sa pobuladura logale e sas diferentes partes in pelea, in prus de custu, fiant istadas fazilitadas in manera istremenada dae su fraigamentu de un'ispidale de campu a probe de s'abioportu de Beirutu, in ue totu sos fertos, de cale si siat banda, fiant tratados. Unu casu de cabale de su livellu de interassione sighidu est rapresentadu dae su contu de Mustafà Haoui su minore, tratadu in s'ispidale italianu, ch'in fatu fiat dèvennidu sa mascota de su continzente. Posteriormente fiat emigradu a Itàlia e atuarmente est tènnigu de laboratòriu inche s'Istitutu Regina Elena de Roma.