Galsi
Articulu in nugoresu
Su Galsi, acrònimu de Gasdottu Algerìa Sardigna Italia, est unu prozèttu chi dìat punnàre a fravicàre unu gasdottu chi podat battìre su gas naturale de s'Algeria in continente biazànde pèri tottu sa Sardigna.
In supra de su Galsi sun essìas a campu criticas medas dae parte de sos comitados sardos chi sun contr'a custu prozettu pro custas resones:
- Su Galsi at a attappàre sa Sardigna chène chi issa podat torrare mai comente fit a prìmmu: su gasdottu at a colàre pro 300 rìvos, 108 istradas e 14 bìas de ferru.
- Su fattu chi non b'apat siènda sarda perùna a fravicàre su gasdottu, chin sa prus parte de sos traballadores e tècnicos sènde istranza o continentale.
- Su finantziamentu prùbicu pro custu prozettu, cando non bi nd'at àpiu mai, dae parte de s'istadu italianu, pro belle tottus sas infrastrutturas chi bi sun in Sardigna.
- Su Galsi at a isbentràre sa Sardigna in duos, colànde fìntzas pèri zàssos a interèssu archeològicu e turisticu de s'isula.
- Su fattu chi sa terra netzessària pro su gasdottu, a sos chi la tenìan a prìmmu, lis at a esser furàda chène pàca perùna chi lis pòdat torràre.
Si tìmet, in summas, chi su Galsi pòdat diventàre un'attera teracchìa energetica italiana in prus de cussas chi ja bi sun.