Herbert Pagani

Articulu in logudoresu

Herbert Avraham Haggiag Pagani (Tripoli, 25 abrile 1944 – Palm Springs, 1 de frealzu 1988) est istadu unu cantante, poete, pintoreiscultore, iscrittore, attore e disc-jockey italo-libicu.

De familia de origine ebraica, aiat passadu sa gioventude unu pagu in Germània e in Frantza. Est istadu unu artista multiforme chi si fit dedicadu a tantas attividades, faeddaiat sia s'italianu che i su frantzesu.

Ammentadu comente boghe e disc-jokey de s'emittente radiofonica Radio Monte Carlo - cun Ettore Andenna, Luisella Berrino e Roberto Arnaldi - comente e cantante aiat incisu branos chi aian appidu una discreta popularidade comente Cin cin con gli occhiali, Canta (che ti passa la paura), L'amicizia e Ahi ... le Hawaii, cantada puru in su film Amore mio aiutami, direttu in su 1969 dae Alberto Sordi. De ammentare finas sa cover de Les amants d'un jour (cantada in frantzesu dae Edith Piaf) intitulada in italianu Albergo a ore.

Pagani aiat collaboradu pro annos cun Dalida, e pro issa aiat iscrittu paritzos branos (massimu adattamentos in italianu de cantones frantzesas). In mesu e i custas bi fini: Mamy Blue (1970), C'è gente che incontri per strada (de Fabien-Bréjean-Goraguer, de su 1973), Non è casa mia (de su 1965).

Pagani fit unu ecologista e pacifista convintu, in su 1970 aiat fundadu unu de sos primos progettos multimediales (su "Megalopolis"), registrende album de genere "progressive" e dedichendesi a s'attividade politiga.

Cun su nomene megalopolis aiat realizzadu una serie de cantones in frantzesu (de sa cales calicuna traduida puru in italianu) Est mortu in sos Istati Unidos a causa de sa leucemia.