Hic sunt leones

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Sa frasia in limba latina "hic sunt leones" (inoche bi sunt leones) o "hic sunt dracones" (inoche bi sunt dracones) est unu faveddu chi si podet agattare in sas mapas zeogràficas de s'anticoriu pro indittare una terra in ube s'omine no aìat postu pede.

Istòria[modìfica | modìfica su còdighe de orìgine]

Petzi in sa Cotton Map (X seculu d.C.) si videt "hic abundant leones" (inoche abbundant sos leones), intre Gog e Magog e sa costera orientale de s'Asia, cun tantu de leone comente immagine posta: in cussos trettos, difattis, si podìat imbènner in tigres e leopardos, ma peri leones (oje puru bi nd'at calicunu in India). In ateras mappas si videt imbetzes "hic sunt dracones". No est raru a agattare fintzas "hic nascuntur elephantes" (inoche naschent elefantes), ma custa paret una manera pro indittare zonas in ube atzappare avorju.

No esistit proa istorica chi sa frasia siat mai istada in impreu pro s'Africa mediterranea, ma si credet chi siat naschida comuncas in su tempus de Roma antica e pacu a pustis pro indittare una zona inesplorada in Africa e Asia. Bolìat nàrrer chi no si ischìat ite bi fit in ìbe, a parte su fattu chi bi fìant feras, oppuru si riferìat a terras malas a conchistare.

A s'ispissu, sos zeògrafos de s'edade preindustriale ponìan in sas mapas insoro calicunu disinnu, mesches ca bi lu pedìant, cun istemmas, banderas, res pintados e gai sichinde.