Hitodama

Dae Wikipedia, s'entziclopedia lìbera.


Articulu in logudoresu

In su folklore giapponesu, hitodama (人魂 "anima umana" o 人玉 "botza umana") sun sas animas de sa zente morta de pag'ora in sa forma de una frammighedda. Issas si manifestan ind una botza de colore turchinu o birde cund una coa longa, e si creet chi apan orìzine dae gas chi si artziat dae tumbas e losas umanas. Credentzia bolet chi cumpàrzan a curtzu de una persone a puntu de sìche mòrrer, cando s'anima lassat su corpus.

Sos hitodama si abbàidan a su solitu a curtzu de campusantos e buscos a tempus de istiu, su tempus creitu "traditzionale" pro sa cumparta de pantasimas e ispiritos suprannaturales in Giappone. Su hitodama podet esser un'ispiritu malu o indifferente a s'omine vivu: a bìas, dìat poder iscumpàrrer o sìnche rùer a terra cando sa zente lu bìdet; atteras bìas, dìan poder ghìare a unu biazadore in logos ispèrdidos pro los fagher perdere. Si naran péri onibi (鬼火 "dimòniu de fogu").

Sos hitodama si poden pònner a pare, chene duda peruna, cun sos fogos de campusantu otzidentales.