Impèriu austrìacu

Artìculu in LSC

Bandera

Impèriu Austrìacu in su 1815

S'Impèriu austrìacu (in tedescu: Kaiserthum Österreich; in ungheresu: Osztrák Birodalom; in italianuː Impero d'Austria) fiat costituidu in su 1804 comente monarchia ereditària a fatu de sa formatzione de su primu impèriu frantzesu a banda de Napoleone Bonaparte.

Su primu imperadore de Àustria fiat istadu Frantziscu I de Asburgu-Lorena, chi a su tempus portaiat fintzas su tìtulu de Imperadore Elègidu de sos Romanos, abandonadu in su 1806 a fatu de a s'isfaghimentu de su Sacru Romanu Impèriu. Pro mantènnere su tìtulu imperiale s'at proclamadu imperadore de Àustria in sos dòminos ereditàrios suos. Dipendèntzias de s'impèriu fiant su Regnu de Ungheria e su Regnu Lombardu-Vènetu.

A pustis de carchi tentativu de reforma costitutzionale in su 1867 fiat fata una parificatzione de istatus cun s'ala ungheresa de su regnu (Ausgleich) e dae tando a in antis s'Impèriu de Àustria fiat istadu connotu cun su nùmene de Impèriu Àustro-Ungheresu.