Istassione ferruviària de Terranoa

Dae Wikipedia, s'entziclopedia lìbera.
Custu artìculu non sighit sas regulas: agiuda a lu megiorare sighende su istile de Wikipedia.


Articulu in logudoresu

Istassione de Terranoa

S'istassione de sos trenos de Terranoa rapresentat su transitadorzu ferruviàriu printzipale de sa bidda gadduresa.

Est fraigada a longu de su caminu de ferru Casteddu-Figari Marìtimu. Tenet tres bias impreadas pro su servìtziu de biazadores, addae de una cuarta bia de servìtziu in cara de su fraigu de passizeris. A unos 400 metros dae s'istassione de biazadores, in sa deretura de Casteddu, s'agatat su depòsitu de locumotivas de su transitadorzu, a probe de su cale b'est finas una filera de bias pro su servìtziu de mercantzias. Sende gasi, si prebidet pro sos annos benidores sa realizadura de un'istassione noa, zustu in s'oru de s'ischerriadorzu de mercantzias atuale, chi at a intrare in parte a su fraigu de passizeris de como.

S'istassione est semper pessonalada, e sa zestione de su moimentu est realizada in situ dae s'Aderetadore de Moimentu de su transitadorzu gadduresu.

Pro su chi prendet sas relassiones, a s'istassione de Terranoa arribant trenos dae e chirru a Casteddu, Aristanis, Chilivane, Tàtari, Portu Turre e Figari. In sas probianias de s'istassione, est possìbile a leare sos postales de s'IRST pro si zugher a sas logalidades inghiriadoras. In prus de custu, in su partile de s'istassione s'arressant sos beìculos de s'ISPO chi realizant sas relassiones urbanas, incrùdida una cun su portu de s'Ìsula Arba.