José Delitala y Castelvì
Articulu in nugoresu
José Delitala y Castelvì (Casteddu, 10 de Sant'Andrìa de su 1627 - 1703) est istau unu militare e politicu sardu.
Fit su fizu minore, cufforma a Angelo di Girolamo Delitala e Maria Amat y Castelvì, de sa familia nobile de sos contes (marchesos dae su 1605) de Làcuni. Su babbu fit caballeri de s'ordine de Santiago, artziau a cussu gradu pro b'esser istau in sos esertzitos ispagnolos chin onore mannu e chin fertas medas a nde facher testimonia. A pustis de àer istudiau in sa tzitade in ube fit nàschiu, a s'edade de bindichi annos tuccabat a s'Ispagna in ube aìat acabbau s'educassione sua. Tando aìat fattu carriera militare arribande a su gradu de colonnellu. In su 1672, Càralu II de Ispagna lu ponet a gubernare su Capu de Sutta e sa Gallura. In su 1686, a pustis de sa morte de su conte de Fuensalida, aìat esertzitau sa funtzione de viceré ad interim.
Operas
[modìfica | modìfica su còdighe de orìgine]Mancari chi s'impignu politicu suo fit mannu, tenìat amore pro sa curtura literaria. Est de su 1672 sa regòrta de poesias Cima del monte Parnaso español con las tres musas castellanas Caliope, Urania y Euterpe, chi li aìan fattu unu lùmen puru in Ispagna.