Luigi Miraglia (latinista)

Luigi Miraglia (Nàpoli, 28 de Santu Gabine de su 1965) est unu latinista e filologu classicu italianu.

Sicundu a su paperi The New Yorker, isse est s'omine chi faveddat sa limba latina cun prus abbilesa in su mundu.

Vita

Isse est de s'ereu de Luigi Miraglia, filosofu de su deretu e sindicu de Napoli in su 1901. A pustis de picare sa maturitate classica in su litzeu Umberto I de Napoli, in sa matessi tzitate attendet su cursu de lìteras classicas in s'universitate Federico II, in ube at tentu sa laurea cund una tesi iscrita totu in latinu; dapoi est resessitu a tenner su dottoratu de chirca in filolozìa classica in s'universitate de sos istudios de Salerno.

In su 1986 est bènnitu a èsser direttore de su fozu Il trifoglio e, in su 1989, consulente didatticu pro su European Language Institute de Recanati.

Dae su 1996, est direttore de s'Accademia Vivarium Novum, chi a primu tenìat sea in Montella (Avellino) e, dae su 2009, in Roma. In sa tzitate irpina, in prus, at imparatu italianu e latinu a sos dischentes de su litzeu issientificu "Rinaldo d'Aquino". At ammanizatu prus bortas e direttu cumbènnios internatzionales in supra de comente si imparen sas limbas classicas, de s'umanesimu e de su sinnìficu e balore issòro in die de como.

Dae s'annu accademicu 2009-2010 est mastru de elementos de allega latina e Latinitas viva in sa facultate de Literas Cristianas e Classicas (Pontificium institutum altioris Latinitatis) de s'Universitate Pontificia Salesiana de Roma.

Nche at fatu intrare in Italia e fatu pro su grecu anticu puru su "metodu natura" de Hans Henning Ørberg pro s'imparu de su latinu.

Liberos

Latine disco, 1999.
Athènaze, 1999.
Fabulae Syrae, 2008.
Vita moresque, 2009.