Nuraghes S'Arena

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Nuraghes S'Arena est unu film curtzu de gènere fantàsticu de su 2017 pessadu, iscritu e dirìgidu dae su regista sardu Mauro Aragoni.

Su protagonista de su filmadu est su raperi Salmo.[1][2] Sa boghe in foras de campu est de Rodolfo Bianchi.

Trama[modìfica | modìfica su còdighe de orìgine]

Edade de su brunzu, su gherrianu Arduè pigat parte a unu torneu sambenosu in unu cuntestu de ritos isciamànicos, cun sa cumpangia de su mastru suo Bachis, ue a sa fine at a afrontare su chi l'at ochidu sa fìgia.

Atores[modìfica | modìfica su còdighe de orìgine]

  • Maurizio Pisciottu (Salmo): Arduè
  • Greta Deidda: Sa fìgia de Arduè
  • Ally McClelland: Mastru Bachis
  • Michael Segal: Ischidos

Produtzione[modìfica | modìfica su còdighe de orìgine]

Est istada sa prima òpera tzinematogràfica a rapresentare sa tziviltade nuràgica subra de s'ischermu mannu.[3]Su tantu de dinare impreadu pro sa realizatzione de su film est istadu de petzi 7.000 èuros. Custu costu minore est dèpidu a su fatu chi sa parte manna de sos artistas interessados ant collaboradu de badas. Su film l'ant giradu in Sardigna, intre s'Ogiastra e sa Barbàgia in su territòriu de Seui.

Distributzione[modìfica | modìfica su còdighe de orìgine]

Su film dae su 19 martzu 2017 l'at distribuidu in esclusiva su canale televisivu Paramount Channel.[4]

A pustis de sas projetziones in medas salas tzinematogràficas e fèstivals[5][6] est intradu in cuncursu in sos Davids de Donatello in sa setzione Films curtzos de su 2018.[7]

Su 30 de cabudanni de su 2022 su contu ufitziale de YouTube de Nuraghes S'Arena at annuntziadu sa creatzione de unu fumetu ambientadu in su matessi universu narrativu, cun un'istòria chi diat pretzèdere sa de su film.[8]

Riferimentos[modìfica | modìfica su còdighe de orìgine]

  1. (IT) Matteo Politanò, L'esordio di Salmo da attore: "Un tributo alla Sardegna" - Video intervista, in Panorama, 20 martzu 2017. URL consultadu su 31 austu 2017.
  2. (IT) Giulia Cherchi, L'antica civiltà del Nuraghe in un fantasy Il protagonista è il rapper Salmo, in Il Giornale, 15 martzu 2017. URL consultadu su 31 austu 2017.
  3. (IT) Giulia Cherchi, La civiltà nuragica, mito e magia sul grande schermo, in ilgiornaleoff.it, 22 freàrgiu 2017. URL consultadu su 23 làmpadas 2022.
  4. (IT) Nuraghes S'Arena, il cortometraggio cult arriva su Paramount Channel, Paramount Channel, 6 martzu 2017. URL consultadu su 21 austu 2017 (archiviadu dae s'url originale su 16 austu 2017).
  5. (IT) Nuraghes S'Arena: l'evento a Milano per l'anteprima del film, in paramountchannel.it. URL consultadu su 19 cabudanni 2017 (archiviadu dae s'url originale su 19 cabudanni 2017).
  6. (IT) Camilla Pisani, Olbia, Salmo: grande successo per il film Nuraghes S'Arena, in olbia.it, 13 martzu 2017.
  7. (IT) Nuraghes S'Arena, in daviddidonatello.it. URL consultadu su 22 làmpadas 2022.
  8. Filmadu vìdeu Nuraghes Official, Nuraghes - Il fumetto, in YouTube. URL consultadu s'11 santugaine 2022.

Ligàmenes esternos[modìfica | modìfica su còdighe de orìgine]

  • Situ ufitziale, in nuraghesmovie.com. URL consultadu s'8 santugaine 2022 (archiviadu dae s'url originale su 22 trìulas 2019).
  • (EN) Nuraghes S'Arena, in Internet Movie Database.