Palatul Primăverii
Coordinadas: 44°28′09.01″N 26°05′32.68″E / 44.46917°N 26.09241°E
Limba Sarda Comuna. Abbàida sas àteras bariedades gràficas:
| Palatul Primăverii | |
|---|---|
 | |
| Logu | |
| Istadu |  Romania
|
| Localidade | Bucarest |
| Indiritzu | Bulevardul Primaverii n. 50, Bucarest |
| Caraterìsticas | |
| Tipologia | Domo museu |
| Istitutzione | 1965 |
| Situ web | |
Su Palatul Primăverii (in sardu: Palatzu de Beranu) fintzas connotu comente Casa Ceaușescu[1] (in sardu: Domo Ceaușescu), est unu fàbricu chi s'agatat in su bighinadu Primăverii de Bucarest, capitale de Romania. Dae su 2016 est istadu allistridu a museu.
Istòria
[modìfica | modìfica su còdighe de orìgine]Su palatzu fiat fraigadu intre is annos 1964 e 1965 comente abitòriu de protocollu pro su tando presidente Gheorghe Gheorghiu-Dej[2][3]. A pustis de mòrrere Dej, in su 1965 fiat fatu segretàriu de su Partidu Comunista Romenu Nicolae Ceaușescu. Su palatzu fiat ammanniadu intre is annos 1970 e 1972[4] pro nde faghere sa morada de sa famìlia Ceaușescu[5]. In ie fiant cumbidados cabos de istadu istràngios comente Charles de Gaulle (1968), Richard Nixon (1969) e Fidel Castro (1972)[6].
A pustis de sa rivolutzione de su 1989, su palatzu fiat sa residèntzia de protocollu pro retzire is delegatziones internas e istràngias[7]. In su 2016 est istadu cunvèrtidu in museu[8].
Descritzione
[modìfica | modìfica su còdighe de orìgine]Durante su regìmene de Ceaușescu e si naraiat in Romania ca s'istadu fiat bivende una "Edade de Oro", espressione usada susetotus in relatu cun su cultu de sa personalidade de Nicolae Ceaușescu e sa familia sua.[9] Unu paranùmene de su fabricu est duncas fintzas "Palatzu de Oro".[10]
Su progetu de sa domo est dèpidu a s'architetu Aron Grimberg-Solari, antimes is giardinos fiant disinnados dae Robert Woll - chi impare a Agrippa Popescu si fiat incuradu fintzas de su frunimentu - e dae s'ingegneri paesagìsticu Florin Teodosiu.[11][12] Sa domo si caraterizat duncas pro s'istudiu de internos curados e lussuosos meda, cun una variedade manna de linnas siat de Romania siat de àteras partes de su mundu, comente fintzas tapetos de balore e una colletzione de cuardos de artistas famados.[13] In aposentos varios s'agatant mosàicos, in unos de is cales, in sa pischina si leent is nùmenes de is artistas, Olga Porumbaru e Florin Pârvulescu,[14][15] chi aiant traballadu a sa componidura issoro cada die pro duos annos[16]. A sa fine de su traballu Ceaușescu pro a cumpensu ddis aiat permìtidu de emigrare de s'istadu.[17]
Pro una iscuta de tempus a pustis de sa ruta de su regìmene su Palatul Primăverii fiat abbitadu dae bagamundos e ladrones, chi diant addanniare su palatzu e fiant bogados cun interventu de is fotzas armadas.[18]
Su guvernu aiat pensadu a primìtziu de bèndere su palatzu, ca fiat caru meda de mantènnere, pero a sa fine fiat cunvèrtidu in unu museu.[19]
Riferimentos
[modìfica | modìfica su còdighe de orìgine]- ↑ (RO) Casa Ceausescu, in casaceausescu.ro.
- ↑ (RO) Reședința în care a locuit familia Ceaușescu timp de 25 de ani, deschisă publicului, in digi24.ro.
- ↑ (RO) Cum arată Palatul Primăverii, fosta casă a lui Nicolae Ceaușescu, in europafm.ro.
- ↑ (RO) Descriere - Casa Ceausescu, in casaceausescu.ro.
- ↑ (RO) Reședința în care a locuit familia Ceaușescu timp de 25 de ani, deschisă publicului, in digi24.ro.
- ↑ (RO) Cum arată Palatul Primăverii, fosta casă a lui Nicolae Ceaușescu, in europafm.ro.
- ↑ (RO) La 26 de ani după EXECUȚIA lui Ceaușescu, Guvernul ia decizia care nu mai lasă loc de interpretări. Imaginile sunt ULUITOARE, in gandul.ro.
- ↑ (RO) Fosta reşedinţă a lui Ceauşescu din Primăverii, deschisă publicului, in romania-actualitati.ro.
- ↑ (EN) Ceaușescu's Mansion - Ceaușescu's House, in visitbucharest.today.
- ↑ (EN) Ceausescu Palace - The home of the former Romanian dictator, in rolandia.eu.
- ↑ (EN) Ceaușescu's Mansion - Ceaușescu's House, in visitbucharest.today.
- ↑ (EN) Casa Ceausescu - Description, in casaceausescu.ro. URL consultadu s'8 trìulas 2023 (archiviadu dae s'url originale su 25 martzu 2023).
- ↑ (EN) Casa Ceausescu - Description, in casaceausescu.ro. URL consultadu s'8 trìulas 2023 (archiviadu dae s'url originale su 25 martzu 2023).
- ↑ (EN) Ceaușescu's Mansion - Ceaușescu's House, in visitbucharest.today.
- ↑ (EN) Casa Ceausescu - Description, in casaceausescu.ro. URL consultadu s'8 trìulas 2023 (archiviadu dae s'url originale su 25 martzu 2023).
- ↑ (EN) Ceaușescu's Mansion - Ceaușescu's House, in visitbucharest.today.
- ↑ Ceaușescu's Mansion - Ceaușescu's House, in visitbucharest.today.
- ↑ (EN) Ceausescu Palace - The home of the former Romanian dictator, in rolandia.eu.
- ↑ Ceausescu Palace - The home of the former Romanian dictator, in rolandia.eu.