Papiros

Artìculu in LSC

Logotipu betzu de PAPIROS editziones

Logotipu nou de PAPIROS editziones

Papiros est una sotziedade editoriale sarda, fundada in su 1987 e cun sede in Nùgoro, ispetzializada mescamente in libros in sardu pro pitzinnos. Sos libros suos sunt presentes in totu sas librerias de sa Sardigna.

Editziones Papiros est connota finas pro àere organizadu e organizare cuncursos literàrios e didàticos pro sas iscolas, pro dare s'ocasione a sos iscolanos sardos de praticare sa limba sarda iscrita. Unu de sos prus connotos est "iscrie una lìtera a sos Tres Res", chi cunsistit in una lìtera in sardu chi s'iscolanu de sas iscolas elementares de sa Sardigna imbiat a sos TRES RES de sa traditzione cristiana. Sa premiatzione la faghent semper su 6 de ghennàrgiu de cada annu in una bidda de Sardigna. Cada annu sas Ed. Papiros pùblicant in unu libru sas 100 lìteras mègius iscritas dae sos pitzinnos.

Su presidente de Papiros est Maria Mannia, su diretore editoriale Diegu Corràine.

Norma linguìstica impreada

Papiros ant semper crèidu chi una norma iscrita de referèntzia comuna e generale servat a sos letores, chi in custa manera non devent fàghere isfortzu cambiende semper norma, e a sos editores, ca sa costàntzia e coerèntzia de una norma comuna favorit s'alfabetizatzione in sardu e, duncas, sa letura. Pro custu, in antis at publicadu libros sighende sas normas iscritas de sa Limba Sarda Unificada (2001), como sas de sa Limba Sarda Comuna (2006).

Cuncursos literàrios

• Iscrie una lìtera a sos tres res (20 editziones)

• Die de s’Europa (tres editziones)

• Sa festa de s’aba (un'editzione)

• Chentu paraulas (un'editzione)

• Cantamus e faeddamus a Deus (duas editziones)

• Lenardu Alagòn (un'editzione)

• "Prèmiu G. F. Pintore, de giornalismu in sardu (un'editzione), in cursu

• "Prèmiu Max Leopold Wagner, pro tesis de làurea in/de sardu (un'editzione), in cursu

Atividade linguìstica

• Ditzionàriu Sardu de su Tempus Nostru, ditzionàriu in Internet italianu-sardu-italianu, cun intradas in Lsc, variedades locale, tèrmines ispetzialìsticos, in cursu

Ligàmenes esternos

• Situ ufitziale de Papiros
• DSTN·Ditzionàriu Sardu de su Tempus Nostru Archiviadu su 27 trìulas 2014 in s'Internet Archive.
• Limbas e Natziones, NOAS