Queensland

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bandera

Posidura in Austràlia

Su Queensland (pronùntzia [ˈkwiːnzlənd] o [ˈkwiːnzlænd]) est un'istadu de s'Austràlia chi òcupat sa parte nord-orientale de su continente. Allàcanat a ovest cun su Territòriu de su Norte, a sud-ovest cun s'Austràlia Meridionale e a sud cun su Nou Galles de su Sud; a estu si ghetat a su mare de is Coraddos e de s'otzèanu Patzìficu. Est su segundu Istadu australianu pro tirada a pustis de s'Austràlia Otzidentale e su de tres prus pobulados a pustis de su Nou Galles de su Sud e su Victòria.

Intre unos 40 000 e 65 000 annos faghet sa zona fiat cumintzada a èssere populada dae sos indìgenos e de sos isulanos lòmpidos de s'Istrintu de Torres. A fatu, su Queensland fiat fatu una colònia de sa corona britànnica, chi fiat ischirriada dae su Nou Galles de su Sud su 6 de làmpadas 1859, una data famada a livellu istatale denominada Queensland Day.

S'àrea chi costituit sa capitale de s'Istadu, Brisbane, fiat in orìgine sa colònia penale de Moreton Bay, chi fiat impreada che a logu pro is presoneris recadivos. S'istadu a fatu aiat incoragidu s'immigratzione, e s'economia de su Queensland est dominada dae su setore agrìculu, turìsticu e de su setore mineràriu.

Sa populatzione est cuntzentrada in su sud-est de su Queensland. In ie s'agatant is tzitades de Brisbane, Logan City, Redland City, Ipswich, Toowoomba. Unos àteros importantes tzentros regionales sunt Cairns, Townsville, Mackay, Rockhampton, Bundaberg, Hervey Bay, Ingham e Mount Isa. Su Queensland est fatu fatu naradu Sunshine State, in cantu gosat de unu clima caente e una parte consideràbile de s'Istadu s'agatat in is tròpicos.