Ryukyu movimentu de indipendentzia

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Su movimentu indipendentista Ryukyu (琉球独立運動 Ryūkyū Dokuritsu Undō) o Repubrica de Ryukyu (giapponesu: 琉球共和国, Kyūjitai: 琉球共和國, Hepburn: Ryūkyū Kyōwakoku) est unu movimentu pro s'indipendentzia de Okinawa e de sas isulas a curtzu a issa (Ryukyu) dae su Giappone. Su movimentu est nàschiu in su 1945, a pustis de sa Gherra de su Patzificu. Sos de Okinawa pessàban, cando fit cumintzada s'occupatzione militare americana, chi sas isulas Ryukyu depìan esser un'istadu a banda, imbetzes de esser torradas a su Giappone. Su prus de sa zente aìat ispintu pro chi sas isulas seren unìas impare a su Giappone, credende chi de custa manera s'occupatzione americana podìat acabbare. Sas isulas fin torradas a su Giappone in su 15 de Maju de su 1972, chin su lùmen de "Prefettura de Okinawa". S'accordu de securesa, firmàu in su 1952 tra Istados Unidos e Giappone, bi at peròe mantesu sa presentzia militare istadounidensa, tantu est beru chi, fintzas a pustis de s'aunimentu chin su Giappone, oje in die sos americanos in cughe sichin a bi tenner su 60% de bases militares giapponesas (numeros chi si accurtzian meda a cussos sardos, in contu de terachias militares anzenas). Custa cosa at fattu torrare a crescher su sentidu politicu indipendentista pro sa libertade de sas Ryukyu.