Santu Lussurgiu

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Bustu de Santu Lussùrgiu, fatu dae Donatello. Como si podet agatare in su Museu Natzionale de Santu Mateu de Pisa.

Santu Lussurgiu (in italianu San Lussorio, in logudoresu Santu Lussulzu) est vividu a su tempu de Diocletzianu. Dae sa "passio" ischimos chi fut unu "apparator" un'ispecie de bandidore, a servitziu de unu magistradu, po trasmittere s'ordine de si presentare a denantis de su magistradu. Cunvertidu a sa fide cristiana fut cundennadu a essere decolladu in Forum Traiani (Fordongianus). Sos Pisanos ant giuttu relichias de santu Lussulzu a Pisa. In Toscana su santu est connoschidu comente San Rossore. Est meda veneradu in Sardigna: in Fordongianus, Santu Lussurzu, Nuràminis, Ceraxus, Romana e in ateros logos. In sas campagnas de Romana esistit una grutta-santuariu. Po sa festa bi accudit zente meda dae sa biddas affaca.