Sardos antigos

Bae puru a bidere: Populu sardu

Cun su nomine de Sardos /-us antigos /-us, o fintzas Nuragicos /-us o Nuraghesos / Nuraxesus, si bolet indittare a sos Sardos in su tempus prenuragicu e nuragicu; calicunu lis narat fintzas solu Sardos (faeddu chi abarrat pro indittare a su populu sardu modernu) o tambene Paleosardos o Protosardos.

S'erentzia paleosarda est presente fintzas oe in die: chircas antropologicas e geneticas nd'ant fatu essire a pizu chi b'at una tzerta sighidura tra sos sardos de s'antigoriu e sa populatzione chi bivet como in Sardigna, pro more de fenomenos comente s'isulamentu e s'istesiadura genetica. In prus, calicunu legamine culturale si podet agattare in sas traditziones sardas, subratottu in sos trettos de intro.