Sassònia-Anhalt

Artìculu in LSC

Bandera

Posidura in Germània

Sa Sassònia-Anhalt (in tedescu: Sachsen-Anhalt) est un'istadu federadu de Germània. Sa capitale est Magdeburgu. Fintzas su 3 de santugaine 1990, su territòriu suo faghiat parte de sa Repùblica Democràtica Tedesca.

Postu in su nord-estu de sa Germània tzentrale, cun 20 454 km² est su de oto in istèrrida (de su 1996) de sa federatzione, est antimes su de deghe pro populatzione cun unos 2.245.000 bividores. Làcanat cun sa Bàscia Sassònia in su nord-ovest, su Brandeburgu in s'estu]], sa Sassònia in su sud-estu e sa Turìngia in su sud-ovest.

Manna parte de su territòriu de s'istadu est pranosa e isfrutada dae s'agricultura, ma in su sud-ovest s'agatat sa parte orientale de sos montes Harz. Su frùmene printzipale de sa Sassònia-Anhalt est s'Elba, chi iscurret in mesu a s'istadu de sud-estu a nord-ovest. Su segundu riu pro mannaria, sa Saale, est unu tributàriu de s'Elba. S'istadu fiat criadu pagu in antis de sa reunificatzione, s'atuale territòriu istatale faghiat parte de s'àrea de una regione pretzedente (1947-52) chi cumprendet s'ex Anhalt, s'ex provìntzia prussiana de sa Sassònia e carchi minores exclaves de s'ex Brunswick.

S'istadu e sas tzitades suas prus mannas ant pèrdidu populatzione partende dae su 1989, a càusa de sa migratzione cara a s'ex-Germània Ovest.