Schleswig-Holstein

Artìculu in LSC

Bandera

Posidura in Germània

Su Schleswig-Holstein est su prus setentrionale de sos 16 istados federados de Germània. Su nùmene in danesu est Slesvig-Holsten, su nùmene in bàsciu sàssone est Sleswig-Holsteen. Istòricamente su nùmene si referit a una regione prus ampra, chi cumprendet s'atuale Schleswig-Holstein e sa contea danesa de su Jutland meridionale (Sønderjyllands Amt in danesu). Sa capitale est Kiel.

Su Schleswig-Holstein s'agatat a sa base de sa penìsula de su Jutland, tra su Mare Bàlticu e su Mare de su Norte.

S'ex ducadu de Holstein costituit sa parte meridionale de su Schleswig-Holstein, mentras su Schleswig meridionale nde format su cantone setentrionale. S'ex Ducadu de su Schleswig, (Sønderjylland in danesu), est istadu divididu intre Germània e Danimarca finas dae su 1920.

Su Schleswig-Holstein làcanat cun sa Danimarca (regione de su Syddanmark) a nord, su Mare de su Norte a ovest, su Mare Bàlticu e su Meclemburgu-Pomerània Otzidentale in s'estu, e sa Bàscia Sassònia e sa tzitade-istadu de Amburgu in sud.