Saarland

Dae Wikipedia, s'entziclopedia lìbera.
Jump to navigation Jump to search

Coordinatas: 49°22′37.74″N 6°52′42.16″E / 49.37715°N 6.878378°E49.37715; 6.878378

Flag of Sardinia, Italy.svg
Artìculu in LSC
Flag of Sardinia, Italy.svg

Bandera
Posidura in Germània

Su Saarland (in latinu: Saravia; traduidu literalmente: Terra de sa Saar) est unu de is 16 istados federados de Germània. Tenet istèrrida de 2 568,70 km² e 990 718 bividores, chi nde faghent su prus minore e prus pagu populadu Land de totu sa federatzione. Sa capitale est Saarbrücken.

S'istadu federadu làcanat cun sa Frantza (Grand Est) in su sud, su Lussemburgu in s'ovest e sa Renània-Palatinadu in su norte e in s'estu.

Pigat su nùmene de su riu Saar, chi est un'afluente de sa Mosella e rugrat de s'istadu de sud a nord-ovest. Sa prus parte de sos bividores bivet in unu cunglomeradu de tzitades a curtzu de sa làcana frantzesa, a rodeu sa capitale, Saarbrücken.

Su Land tenet sa voluntade de si cunvèrtere bilìngue frantzesu-tedescu de su 2043 e sa prima limba istràngia imparada in iscola est su frantzesu. Su territòriu de su protetoradu anglo-frantzesu de sa Saar fiat istituidu in su 1920 in acòrdiu cun cantu istabilidu dae su Tratadu de Versailles. Cumprendiat partes de sa provìntzia prussiana de sa Renania e de su Palatinadu Renanu. S'àrea fiat posta dae sa Sotziedade de is Natziones in suta de cuntrollu anglo-frantzesu pro 15 annos. A pustis de custu perìodu at tentu logu unu plebiscitu pro s'autodeterminatzione de sa Saar, 13 ghennàrgiu 1935: su 90,7% de sos votantes aiat espressadu sa voluntade de s'unire a sa Germània. Sos Nazistas ant dadu sa regione nùmene de Westmark.

A pustis de sa segunda gherra mundiale su Saarland aiat torradu a rùere in suta de protetoradu frantzesu. Frantza e Germània aiant detzìdidu in su 1954 de istituire unu Saarland indipendente, ma custu progetu fiat rebusadu cun unu referendum. In consultatziones noas franco-tedescas si fiat arribados a unu acòrdiu nou, segundu su cale a su Saarland diat èssere istadu permìtidu de si torrare a unire a sa Germània (Tratadu de Lussemburgu, 27 santugaine 1956). Su 1 de ghennàrgiu 1957 su Saarland fiat torradu a sa Germània.

Sas printzipales fontes de rèditu de su Saarland sunt su fraigu de automòbiles, sa siderurgia, sa fàbricu de tzeràmica e sa produtzione de programmas pro carculadores eletrònicos. In passadu su Land teniat un'importante setore mineràriu.

Àteros progetos[modìfica | modìfica su còdighe de orìgine]

Flag of Germany.svg Germània Flag of Germany.svg
Istados federados Flag of Hesse (state).svg Àssia - Flag of Baden-Württemberg.svg Baden-Württemberg - Flag of Lower Saxony.svg Bàscia Sassònia - Flag of Bavaria (state).svg Baviera - Flag of Brandenburg.svg Brandeburgu - Flag of Mecklenburg-Western Pomerania (state).svg Meclemburgu-Pomerània Otzidentale - Flag of North Rhine-Westphalia (state).svg Renània de su Norte-Westfàlia - Flag of Rhineland-Palatinate.svg Renània-Palatinadu - Flag of Saarland.svg Saarland - Flag of Saxony (state).svg Sassònia - Flag of Saxony-Anhalt (state).svg Sassònia-Anhalt - Flag of Schleswig-Holstein (state).svg Schleswig-Holstein - Flag of Thuringia (state).svg Turìngia -
Tzitades istadu Flag of Berlin.svg Berlinu - Flag of Bremen.svg Brema - Flag of Hamburg.svg Amburgu