Schermu de elaboradori

Dae Wikipedia, s'entziclopedia lìbera.
Jump to navigation Jump to search
Unu schermu po elaboradori a cristallos lìcuidos (LCD).
Custu artìculu est iscritu in sa grafia Provintzia de Casteddu-Istemma.pngcampidanesaProvintzia de Casteddu-Istemma.png. Abbàida sas àteras bariedades gràficas:

logudoresu · LSC · nugoresu

Su schermu de elaboradori (connotu fintzas cumenti monitor) est un'aparatu eletrònicu po sa visualizzazioni de màginis, testu e vìdeu trasmìtius in forma eletrònica.[1]

Piessìnnius[modìfica | modìfica su còdighe de orìgine]

Schermu de unu strumentu de mesura.
Unu schermu bèciu po computadori cun schermu a tubu catòdicu.

In informàtica su schermu acapiau a un'elaboradori est cunsiderau una perifèrica de bessida, ma candu est a disponimentu sa funtzioni de schermu a tocu essit fintzas una perifèrica de intrada, poita ca acumprit sa funtzioni de teclau e sorixeddu.[2] Podit essi acapiau a su computadori po mèdiu de unus cantu tipus de genna. Is prus comunas funt sa VGA, DVI, HDMI e DisplayPort. Podit tenni de altoparlantis po sa riprodutzioni de s'àudio o àterus tipus de acàpius e perifèricas, po esempru sa genna USB o una webcam cun micròfonu.

Visualizadori (display)[modìfica | modìfica su còdighe de orìgine]

Su cumponenti prus de importu de unu schermu (a bortas s'ùnicu) est su visualizadori, est a nai s'aparatu eletrònicu po sa visualizatzioni innui funt ingendradas is màginis.[3] Segundu sa tecnologia impreada esistint tipus diferentis de visualizadori, comenti su tubu catòdicu, difùndiu meda in passau.

Tipologia e impreu[modìfica | modìfica su còdighe de orìgine]

Esistint tipus de schermu diferentis, impreaus fintzas in cuntestus no informàticus, cun funtzionis e piessìnnius diferentes. Po esempru esistint schermus impreaus in is bancus de regia de is centrus de produtzioni e spraxidura TV chi funt de sòlitu prus russatzus e fàcilis de tramudai, o schermus po aparatus de meixina, cun visualizadori siat a coloris siat monocromàticu e impreu de su standard DICOM.[3]

In prus, ddoi at schermus dedicaus po aparatus de genias meda, de is prus piticus po sa visualizatzioni e controllu de is aparatus scentìficus comenti sistemas analìticus fìsicus e chìmicus, sistemas robotizaus, de controllu a tempus reali de aparatus industrialis, finas a is schermus dedicaus a sistemas multimedialis e insertaus in produtus de consumu mannu che: console po videogiogus portàtilis, navigadoris satellitaris e, in generali, in totu is aparatus chi arrechedint una bessida a vìdeu.

Ddoi at puru schermus a tocu, innui s'impreadori podit cumandai s'aparatu tochendi su schermu cun is didus. Cun is schermus prus modernus, unu tocu cun pressioni diferenti o movimentus specialis de is didus podint tenni funtzionis diferentis.

Notas[modìfica | modìfica su còdighe de orìgine]

  1. monitor, in garzantilinguistica.it. URL consultadu su 18 luglio 2017.
  2. What is a Monitor?, in computerhope.com, 27 giugno 2017. URL consultadu su 18 luglio 2017.
  3. 3.0 3.1 display, in treccani.it. URL consultadu su 18 luglio 2017.