Shigeaki Sugeta

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Shigeaki Sugeta
Nàschida	2 de làmpadas de su 1933 Yamaguchi-Ken
Natzionalidade	giaponesa
Alma mater	Universidade de Waseda Universidade de Tokyo
Traballu	linguista, professore universitàriu, Diretore de sa Sotziedade Giaponesa de Linguìstica Romanza
Professione	professore de Linguìstica Generale, Romanza e Italiana
Prèmios	Cavalieri a su mèritu de sa Repùblica Italiana (1991) Prèmiu "La Marmora" (sa de XVIII editziones) de s'Universidade de Casteddu
Contributos de importu	istùdios in subra de sas limbas romanzas, prus che totu sa limba sarda e s'italianu, e su primu vocabolàriu sardu-giaponesu de semper
Universidade de Waseda

Shigeaki Sugeta (Yamaguchi-Ken, 2 de làmpadas de su 1933) est unu linguista giaponesu, autore de su primu vocabolàriu sardu-giaponesu.

Biografia

Nàschidu in Yamaguchi-Ken, Shigeaki Sugeta si làureat in Lìteras in su 1957, in su Dipartimentu de Limba e Literadura inglesa de s'Universidade de Waseda, in Tokyo, e torra, semper il Lìteras, in su 1959, in su Dipartimentu de Glotologia de s'Universidade de Tokyo.

Dae su 1962 a su 1964 est borsista de su governu italianu in s'Universidade de Firentze, e in cue sighet sas letziones de Bruno Migliorini. In su 1964, pro sa prima borta, arribat in Sardigna e incumentzat a istudiare sa limba sarda.

In su 1991, pro sos istùdios suos, benit numenadu Cavalieri a su mèritu de sa Repùblica Italiana dae su presidente Frantziscu Cossiga.

Dae su 1993 a su 1997 est Diretore de sa Sotziedade Giaponesa de Linguìstica Romanza, e at insegnadu pro annos in sas càtedras de Linguìstica Generale, Romanza e Italiana de s'Universidade de Waseda.

In s'Universidade de Waseda at ammaniadu cursos medas de sardu pro 31 annos, e pro agiudare sos dichentes suos at creadu, in su 1984, su primu vocabolàriu sardu-giaponesu de semper. Su matessi vocabolàriu, cun in prus sas bortaduras in italianu, l'at torradu a publicare sa domo editora "Edizioni della Torre" in su 2000. Pro custu ditzionàriu, at retzidu su prèmiu "La Marmora" (sa de XVIII editziones) de s'Universidade de Casteddu.

Shigeaki Sugeta s'est semper dichiaradu in favore de un'unificatzione de sa limba sarda, pro la sarvare e fàghere in manera chi non mòrgiat. Amigu de Dolores Turchi, at biagiadu pro annos in Sardigna, chistionende in sardu cun totu cantos chene problemas.

Publicatziones

Su curriculum vitae de Shigeaki Sugeta est mannu meda, e bi sunt artìculos e libros chi s'ocupant de sa limba sarda, de s'italianu e fintzas de àteras. Una lista (no intrea) de sas publicatziones suas de importu prus mannu:

• (JA) Shigeaki Sugeta, Gendai itariago niyumon, Tokyo, Tokyo Daigaku Shorin, 1972, OCLC 963493610.
• (IT) Shigeaki Sugeta, Cento anni di linguistica italiana in Italia: 1873-1973, in Studia gratularia dedicati a Robert A. Hall Jr., Madrid, 1979, OCLC 963265136.
• (JA) 伊東英, 早稲田大学 e 語学教育研究所, Linguarum romanicarum tabula chronologica/ロマンス語学年表, a incuru de Shigeaki Sugeta, Tokyo, 早稲田大学語学教育研究所, 1986, OCLC 33608330.
• (IT) Shigeaki Sugeta, Società di linguistica italiana, Il sintagma nominale del tipo "parola chiave" in italiano e nelle altre lingue romanze, a incuru de Fabio Foresti, Elena Rizzi e Paola Benedini, "Ventesimo Congressu internazionale degli studi", Bologna, 25 -27 cabudanni 1986, Roma, 1989.
• (IT) Shigeaki Sugeta, La palatizzazione nelle lingue romanze con particolare riguardo all'italiano e al sardo, in Studia Romanica, nº 24, Tokyo, 1991.
• (IT) Shigeaki Sugeta, La lingua sarda, in Le lingue del mondo, Taishukan, 1993.
• (IT) Shigeaki Sugeta, La terza persona singolare del verbo in -T fra le proprietà della lingua sarda, "XIX Congresso internazionale della linguistica romanza", La Coruña, 1989, 1993.
• (FR) Shigeaki Sugeta, F. de Saussure et la formation des mots, in Tullio de Mauro e Shigeaki Sugeta (a incuru de), Saussure and linguistics today, Roma, Bulzoni, 1995, ISBN 978-88-7119-829-3, OCLC 925899813.
• (IT) Shigeaki Sugeta, Società di linguistica italiana, Aspetti problematici della lessicalizzazione nelle lingue romanze, a incuru de Paolo Ramat, "XXX Congresso internazionale di studi", Pavia, 26-28 cabudanni 1996, Roma, 1998.
• (IT) Shigeaki Sugeta, Fattori mediterranei negli esiti romanzi? - a proposito del cambiamento C > G in posizione iniziale, "XXI Congresso internazionale della linguistica romanza", Palermo, 1995, Palermo, 1998.
• (SC, JA, IT) Shigeaki Sugeta, Su Bocabolariu Sinotticu nugoresu · giapponesu · italianu - sas 1500 paragulas fundamentales de sa limba sarda, introdutzione de Dolores Turchi, Edizioni della torre, 2000 [1984], ISBN 88-7343-333-2, OCLC 879111035.
• (IT) Shigeaki Sugeta, Il sardo nel panorama romanzo, in Tullio de Mauro e Shigeaki Sugeta (a incuru de), Lesser-used languages and Romance linguistics, Bulzoni, 2002, ISBN 978-88-8319-789-5, OCLC 882742836.
• (IT) Shigeaki Sugeta, Fra la derivazione e la composizione - l'italiano del Novecento fra le lingue romanze, "L'italiano oltre frontiera", Lovanio, 1998, Firentze.