Jump to content

Shigeaki Sugeta

Dae Wikipedia, s'entziclopedia lìbera.
Revisione de su 9 Aus 2021 a is 23:12 de InternetArchiveBot (cuntierra | contributziones) (Sarvende 1 fonte(es) e etichetende·nde 0 comente morta(as).) #IABot (v2.0.8)
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Shigeaki Sugeta
菅田 茂昭
Nàschida2 de làmpadas de su 1933
Yamaguchi-Ken
Natzionalidadegiaponesa
Alma mater
  • Universidade de Waseda
  • Universidade de Tokyo
Traballulinguista, professore universitàriu, Diretore de sa Sotziedade Giaponesa de Linguìstica Romanza
Professioneprofessore de Linguìstica Generale, Romanza e Italiana
Prèmios
  • Cavalieri a su mèritu de sa Repùblica Italiana (1991)
  • Mirto d'Oro difensore dei sardi (2000)
  • Prèmiu "La Marmora" (sa de XVIII editziones) de su Rotary Club de Casteddu
Istitutziones de traballuUniversidade de Waseda
Contributos de importuistùdios in subra de sas limbas romanzas, prus che totu sa limba sarda e s'italianu, e su primu vocabolàriu sardu-giaponesu de semper

Shigeaki Sugeta (Yamaguchi-Ken, 2 de làmpadas de su 1933) est unu linguista giaponesu, autore de su primu vocabolàriu sardu-giaponesu.[1][2][3][4]

Biografia

Nàschidu in Yamaguchi-Ken, Shigeaki Sugeta si làureat in Lìteras in su 1957, in su Dipartimentu de Limba e Literadura inglesa de s'Universidade de Waseda, in Tokyo, e torra, semper in Lìteras, in su 1959, in su Dipartimentu de Glotologia de s'Universidade de Tokyo.

Dae su 1962 a su 1964 est borsista de su guvernu italianu in s'Universidade de Firentze, e in cue sighit sas letziones de Bruno Migliorini. In su 1964, pro sa prima borta, arribat in Sardigna e incumentzat a istudiare sa limba sarda.[5]

In su 1991, pro sos istùdios suos, benit numenadu Cavalieri a su mèritu de sa Repùblica Italiana dae su presidente Frantziscu Cossiga.[6]

Dae su 1993 a su 1997 est Diretore de sa Sotziedade Giaponesa de Linguìstica Romanza (Societas Japonica Studiorum Romanicorum), e at insegnadu pro annos in sas càtedras de Linguìstica Generale, Romanza e Italiana de s'Universidade de Waseda.[6]

In s'Universidade de Waseda at ammaniadu cursos medas de sardu pro 31 annos,[7][3] e pro agiudare sos dischentes suos at creadu, in su 1984, su primu vocabulàriu sardu-giaponesu de semper. Su matessi vocabulàriu, cun in prus sas bortaduras in italianu, l'at torradu a publicare sa domo editora "Edizioni della Torre" in su 2000.[5] Pro su traballu suo, at retzidu su prèmiu "La Marmora" (sa de XVIII editziones) de su Rotary Club de Casteddu.[8][3] Semper in su 2000 at retzidu fintzas su prèmiu "Mirto d'Oro difensore dei sardi".[9]

Cun s'Universidade de Casteddu at collaboradu in su 2003, organizende unu cunvegnu internatzionale dedicadu a sa limba e a sa cultura de sa Sardigna in s'Universidade de Waseda, gràtzias a unu protocollu de intesa istipuladu in su 2002.[10][11]

Dae su 2002 est divènnidu consulente de s'Instutute of Italian Studies de s'Universidade de Waseda.[12][13]

In su 2010 at fatu una lectio magistralis in s'Istitutu Ciusa de Nùgoro, semper in contu de limba sarda, in ue at fintzas chistionadu de comente at incumintzadu a la connòschere a l'apretziare.[13]

Shigeaki Sugeta s'est semper dichiaradu in favore de un'unificatzione de sa limba sarda iscrita, pro la sarvare e fàghere in manera chi non mòrgiat, e chi siat ufitziale in paris a s'italianu, comente su catalanu in Catalugna.[5][1][2][4] Amigu de Dolores Turchi, at biagiadu pro annos in Sardigna, chistionende in sardu cun totu cantos chene problemas.[3][5][1][2][4]

Publicatziones

Su curriculum vitae de Shigeaki Sugeta est mannu meda, e bi sunt artìculos e libros chi s'òcupant de sa limba sarda, de s'italianu e fintzas de àteras. Una lista (no intrea) de sas publicatziones suas de importu prus mannu[6]:

  • (JA) Shigeaki Sugeta, Gendai itariago niyumon, Tokyo, Tokyo Daigaku Shorin, 1972, OCLC 963493610.
  • (IT) Shigeaki Sugeta, Cento anni di linguistica italiana in Italia: 1873-1973, in Studia gratularia dedicati a Robert A. Hall Jr., Madrid, 1979, OCLC 963265136.
  • (JA) 伊東英, 早稲田大学 e 語学教育研究所, Linguarum romanicarum tabula chronologica/ロマンス語学年表, a incuru de Shigeaki Sugeta, Tokyo, 早稲田大学語学教育研究所, 1986, OCLC 33608330.
  • (IT) Shigeaki Sugeta, Società di linguistica italiana, Il sintagma nominale del tipo "parola chiave" in italiano e nelle altre lingue romanze, a incuru de Fabio Foresti, Elena Rizzi e Paola Benedini, "Ventesimo Congressu internazionale degli studi", Bologna, 25 -27 cabudanni 1986, Roma, 1989.
  • (IT) Shigeaki Sugeta, La palatizzazione nelle lingue romanze con particolare riguardo all'italiano e al sardo, in Studia Romanica, nº 24, Tokyo, 1991.
  • (IT) Shigeaki Sugeta, La lingua sarda, in Le lingue del mondo, Taishukan, 1993.
  • (IT) Shigeaki Sugeta, La terza persona singolare del verbo in -T fra le proprietà della lingua sarda, "XIX Congresso internazionale della linguistica romanza", La Coruña, 1989, 1993.
  • (FR) Shigeaki Sugeta, F. de Saussure et la formation des mots, in Tullio de Mauro e Shigeaki Sugeta (a incuru de), Saussure and linguistics today, Roma, Bulzoni, 1995, ISBN 978-88-7119-829-3, OCLC 925899813.
  • (IT) Shigeaki Sugeta, Società di linguistica italiana, Aspetti problematici della lessicalizzazione nelle lingue romanze, a incuru de Paolo Ramat, "XXX Congresso internazionale di studi", Pavia, 26-28 cabudanni 1996, Roma, 1998.
  • (IT) Shigeaki Sugeta, Fattori mediterranei negli esiti romanzi? - a proposito del cambiamento C > G in posizione iniziale, "XXI Congresso internazionale della linguistica romanza", Palermo, 1995, Palermo, 1998.
  • (SC, JA, IT) Shigeaki Sugeta, Su Bocabolariu Sinotticu nugoresu · giapponesu · italianu - sas 1500 paragulas fundamentales de sa limba sarda, introdutzione de Dolores Turchi, Edizioni della torre, 2000 [1984], ISBN 88-7343-333-2, OCLC 879111035.
  • (IT) Shigeaki Sugeta, Il sardo nel panorama romanzo, in Tullio de Mauro e Shigeaki Sugeta (a incuru de), Lesser-used languages and Romance linguistics, Bulzoni, 2002, ISBN 978-88-8319-789-5, OCLC 882742836.
  • (IT) Shigeaki Sugeta, Fra la derivazione e la composizione - l'italiano del Novecento fra le lingue romanze, "L'italiano oltre frontiera", Lovanio, 1998, Firentze.

Riferimentos

  1. ↑ 1.0 1.1 1.2 (IT) Il Giappone parla in sardo, in Mondo Sardegna. URL consultadu su 9 làmpadas 2020 (archiviadu dae s'url originale su 9 làmpadas 2020).
  2. ↑ 2.0 2.1 2.2 (IT) Il professor Sugeta: «Sono sano e salvo», in La Nuova Sardegna, 16 martzu 2011. URL consultadu su 9 làmpadas 2020.
  3. ↑ 3.0 3.1 3.2 3.3 (IT) Silvio Calzolari, Questione di isole... Giappone e Sardegna, in silviocalzolari.org. URL consultadu su 9 làmpadas 2020.
  4. ↑ 4.0 4.1 4.2 (IT) Luca Fraioli, Il Giappone ci fa scuola: salvate la lingua sarda, in La Repubblica, 3 santugaine 2003.
  5. ↑ 5.0 5.1 5.2 5.3 (IT) Nell'isola da qualche giorno Shigeaki Sugeta, autore di «Su bocabolariu sinotticu nugoresu-giapponesu-italianu» Il giapponese che ama «sa limba» Ha cominciato a studiarla nel 1964: «Ma oggi va unificata», in La Nuova Sardegna, 18 cabudanni 2001. URL consultadu su 9 làmpadas 2020.
  6. ↑ 6.0 6.1 6.2 (SC, JA, IT) Shigeaki Sugeta, Su Bocabolariu Sinotticu nugoresu · giapponesu · italianu - sas 1500 paragulas fundamentales de sa limba sarda, Edizioni della torre, 2000, pp. 85-86, ISBN 88-7343-333-2, OCLC 879111035.
  7. ↑ (IT) Un docente giapponese in pensione ha scritto il vocabolario sardo-italiano-giapponese, in Vistanet, 9 santandria 2016. URL consultadu su 9 làmpadas 2020.
  8. ↑ (IT) Le iniziative, in rotarycagliari.org. URL consultadu su 1º maju 2021.
  9. ↑ (IT) Sergio Secci, Brunella, il premio della sagra del mirto assegnato al professor Sugeta Vocabolario sardo-giapponese, in La Nuova Sardegna, 7 austu 2000. URL consultadu su 2 maju 2021.
  10. ↑ (IT) Professor Sugeta,beni beniu (PDF), in UNICA news, nº 19, santandria 2003.
  11. ↑ (IT) In città il professore giapponese che insegna la lingua sarda a Tokio, in La Nuova Sardegna, 19 trìulas 2008. URL consultadu su 2 maju 2021.
  12. ↑ (EN) Institute of Italian Studies, in Organization for Regional and Inter-regional Studies, Waseda University. URL consultadu su 2 maju 2021.
  13. ↑ 13.0 13.1 (IT) Maria Giovanna Fossati, «Limba» made in Japan, in La Nuova Sardegna, 24 cabudanni 2010. URL consultadu su 2 maju 2021.
Controllu de autoridadeVIAF (EN) 270890616 · ISNI (EN) 0000 0000 3218 217X · BIBSYS (EN) 11030956 · CiNii (JA, EN) DA02013513 · LCCN (EN) n96080516 · NDL (EN, JA) 00074214 · OL OL13196881A · SUDOC (FR) 172585376 · WorldCat Identities (EN) n96-080516
Bogadu dae "https://sc.wikipedia.org/w/index.php?title=Shigeaki_Sugeta&oldid=172719"