Subcontinente indianu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Subcontinente indianu in su mundu

Su subcontinente indianu est una regione meda manna chi òcupat su chirru tzentru-meridionale de s'Àsia e s'allònghiat cun unu triàngulu peninsulare ampru intre Golfu de su Bengala e Mare Aràbicu. Cumprendet is istados o portzione de issos a sighire:

• - Ìndia
• - Bangladèsh
• - Bhutàn
• - Maldivas
• - Nepàl
• - Pakistàn
• - Sri Lanka

Si definit subcontinente in cantu àrea in manera tale estèrrida e isulada, chi est cunsiderada unu semi-continente a totus is efetos, ischirriadu dae su restu de s'Àsia in su norte de sa cadena montosa imponente de s'Himalaya, mentras a sud est totu inghiriadu dae su mare (Mare Aràbicu in s'ovest, Golfu de su Bengala in s'estu e Otzèanu Indianu in su sud); isceti in s'estu e in s'ovest is làcanas naturales suas sunt prus dudosos e su territòriu si fundet cun su restu de su continente asiàticu. Est massimamente formadu dae tres àreas mannas cales sa cadena de s'Himalaya a nord, sa pranura indo-gangètica a su tzentru e su pranu de su Deccan a sud.

Sa regione, in eras geològicas coladas est istada unu continente a berus; non fiat galu giunta cun su continente asiàticu, formende tando un'ìsula immensa in s'Otzèanu Indianu. Sa collisione cun s'Àsia, oe 39 milliones de annos, at batidu a sa formatzione de s'Himalaya, chi est ancoras in cursu. S'ambiente favoràbile suo a s'acasagiamentu umanu e sa posidura geogràfica particulare, ant favoridu s'isvilupu de una de is prus tziviltades antigas e froridas de su mundu: sa Tziviltade de sa Badde de s'Indu.

Istèrrida, populatzione, densidade

	Istadu	Istèrrida, km²	Populatzione	Densidade, bividores pro km²	Capitale
1	- Ìndia	3.300.000	1.200.000.000	380	Noa Delhi
2	- Bangladèsh	150.000	150.000.000	1.000	Daca
3	- Bhutàn	38.000	740.000	20	Thimphu
4	- Maldivas	300	330.000	1.100	Malé
5	- Nepàl	150.000	27.000.000	180	Katmandù
6	- Pakistàn	800.000	180.000.000	230	Islamabàd
7	- Sri Lanka	66.000	22 000 000	320	Sri Jayawardenapura Kotte
	TOTALE	4.400.000	1.700.000.000	400