Tostoine de Hermann

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Su tostoine de Hermann

Su tostoine de Hermann (Testudo Hermanni) est unu rettìliu de sa zenìa Testudo. Est unu tostoine de terra, chi agatamus subratottu in Itàlia, in sa Frantza de sud, in Còssiga, in Sardigna, in Catalugna, in sas Baleares e in Sitzìlia. Su colore chi tenet est nieddu e groghittu. Su tostoine de Hermann est un'animale chi podet campare a longu: a su solitu bivet pro ottant'annos, ma si nde contan fintzas de esemplares chi bìvent pro chent'annos. S'ònus (pèsu) sou b'andat dae s'unu a sos tres kilos. Si ponet a fizare in beranu (martzu o aprile) o a s'accabbu de istiu (cabidanne e Santu 'Aine).

Su tostoine de Hermann est unu de sos rettìlios chi prus sun suzetos a minetta a libellu europeu, subratottu pro s'attividade mala de s'omine comente sos fogos, sa cassa a fura proibida, s'enorme fraigamentu de domos accurtzu a su mare e s'isparessida de sa massaria traditzionale. Bi nd'at semper prus pagos in Ispagna, Itàlia e Frantza, mentras chi in Còssiga e Sardigna si mantenet prus o mancu arranchende.