Campidanu

Dae Wikipedia, s'entziclopedia lìbera.


Articulu in logudoresu

Su Campidanu est sa campura prus isterria de sa Sardigna. Est situadu in su tzentru-sud de s'isula, s'aberret a notri-ovest in su Gulfu de Aristanis e a sud in su Gulfu de Casteddu, tenende su Sulcis a su chirru ovest e sa Trexenta e sa Marmidda a su chirru est; a su norti est serradu de su Montiferru.

su Campidanu in leada de Casteddu cun s'aberta in su Gulfu de Casteddu. Si podent biere fintzas sos istanzos de Casteddu e Molentargius

S'agatat dividiu intra de sas provìntzias de Aristanis, de Campidanu de Mesu e de Casteddu.

In su Campidanu agatat sa prus arta densidade de popolatzione de Sardigna. Sos tzentros prus importantes sunt: a sud sa capitale Casteddu cun totus sas biddas chi dda inghiriant (Cuartu Sant'Aleni, Ceraxus, Assèmini, Sestu, Cuartuciu, Pauli), chi in su cumplessu contant 470.000 abitantes faghende s'area metropolitana prus manna de s'isua; in su Campidanu de Mesu s'agatat una de sas duas seus de sa provintzia matessi, Seddori, e sa bidda de Santu 'Ainju, a su norti Aristanis, issa puru seu de provintzia.

Su Campidanu dat nomene a sa variedade meridionale de sa limba sarda, chi benit de fatu narada campidanesa.

Geologia e Idrografia[modìfica | modìfica su còdighe de orìgine]

S'origine de custa regione affundat in su Pleistocene, cando sa fossa tetonica de su Campidanu beniat prenta de aremos lassados de sos frumenes. In sas lacanas cun su mare si podent appretziare numerosos istanzos, a su norti, a inghiriu de su gulfu de Aristanis sos de Crabas, Santa Justa, Sassu (chi est su chi abarrat de s'istanzu de S'Ena Arrubia, asciutau in su periodu de su fascismu pro faghere logu a su chi diat aere istadu mascamente su territoriu de su comune de Arborea) e Marceddì, a su sud sos istanzos de Casteddu e de Molentargius.

sa statale 131, pritzipale arteria stradale de sa Sardigna in unu tretu de su Campidanu

Sos frumenes printzipales chi atraessant su Campidanu sunt su Riu Mannu cun sos emissarios suos e a s'estremu norti s'urtimu tretu de su Tirsu fintzas a sa foghe.

Attividades Umanas[modìfica | modìfica su còdighe de orìgine]

Sos cultibos prus isterrios sunt su de su trigu, cranciofa, e in s'aristanesu fentzamentas su de s'arrosu. Meda numerosos sos olivarios e sas bingias.