Sestu
Dae Wikipedia, s'entziclopedia lìbera.
Pro is àteras pàginas ca esigint custu template, bae a sa categoria ligada.
Sestu s'agatat a 10 kilometrus de Casteddu, in sa Sardinnya de susu in su Campidanu. Contat 18.237 bividoris (2006) e cultivat birdura (arravonellu, latia etc), fruta (axina) e trigu. In Sestu nci funti 5 cresias: Santu Millanu (13° sec.); Santu Jorgi (16° sec.); Santu Srabadori (13° sec.); Santu Antoni (annus 30 de su 900) e Nosta Sennora de is Gratzias (annus 80 de su 1900).
[acontza] S'istòria
Is arrastus arkeologicus antigus agataus (testus ki s'imperànta in domu) funti de su III millennyu A.C., scrobertus in d'una necropoli in sa zona de "Corso Italia". Si pentzat ca is originis de sa bidda siant cartaginesas. In atras zonas funti stetias agatadas monetas de su periudu de Caligola e Domiziano, una losa romana, una cordonera e una perda miliari ki s'agatat in cresia de Santu Jorgi. Su nòmini de sa bidda benit de su perìudu romanu e pigat su nòmini de sa bia ki percurriat de Casteddu a Porto Torres: Sexto ab urbe lapide, o siat acanta de sa perda miliari agatada in sa bidda cun s'iscrita: AD SEXTUM LAPIDEM.
In s'Idadi de Mesu Sestu fadìat parti de su Judicàu de Casteddu i esti stetia posta in sa Curatoria de su Campidanu. Candu su Judicàu esti arrutu (1257) sa bidda fadiàt parti de su Comunu de Pisa.
Agoa esti passada a is Aragonesus ki in su 1324 fadiat parti de su feudu de Berengario Carroz. In su 1363 esti stetia criada sa Contea de Quirra e sa bidda de Sestu esti intrada a fai parti de sa Baronia de Santu Migheli, sempri feudu de is Carroz.
In su 1603 fadiat parti de su feudu de is Centelles e luegus esti passada a is Osorio ki d'anti tenta fintzas a s'abolitzioni de su feudalesimu (1839). De su 1840 Sestu esti comunu liberu.
Oi sa bidda de Sestu contat 18.113 bividoris.
|
|||||||
