Murera

Murera
[[Image:|100px|]]
Nùmene ufitziale:	Muravera
Istadu:	Itàlia
Regione:	Sardigna
Provìntzia:	Casteddu (CA)
Ladiore:	39°25′0″ Nord
Longhiore:	9°34′0″ Est
Artiore:	9 m. subra su mare
Tirada:	94,70 km²
Populatzione:	5.155 54,44 biv./km²
Apendìtzios:	Capo Ferrato, Colostrai, Costa Rei, Feraxi, Piscina Rei
Comunes lacanantes:	Bidda de Putzu, Castiadas, Santu 'Idu
Còdighe postale:	09043
Prefissu telefònicu:	070\99
Còdighe istat:	092039
Còdighe catastale:	F808
Bividores:	mureresus
Patronu:  - Santu  - Die	Santu Nigola de Bari 6 de nadale
Giassu web:	[1]

Murera (in lingua italiana Muravera) est una bidda de 5.000 e prus bividoris in sa Meria de casteddu.

Carateristicas - Sinnalis

Territoriu de Murera (me arrubiu) ainturu de sa Meria de casteddu

Sa bidda de Murera, est cunsiderada su tzentru de prus importu de totu su Sarrabus, est connota meda po sa produtzioni de arangius e agruminis in generali. Su territoriu costieru cosa sua s'estendit in prevalentzia a sud de su tzentru abitau, e me is urtimus annus est spaniendi-sì me sa parti prus a Nord puru. Sa bidda de Murera est connota meda po is prajas mannas: de sa foxi 'e su flumendosa , de San Giuanni , de sa Turri Salinas e de Colostrai; a palas de cust' urtima s'acatada sa de Cabu Ferrau, unu promontoriu de arrocas trakiticas. Prus a Sud tambeni s'agatada a 8 km sa praja de Costa Rey, una de is prajas arenosas prus longa de totu sa Sardinnia, cun s'insediamentu turistico de su matessi nomini. Inguni acanta si podint bisitai giasus ankeologicus de importu mannu, in particulari su menhir de Piscina Rey e su de Cuili Piras.

Positzioni

Murera s'acatat in sa parti tzentru-orientali de sa Sardinnia, in pitzus de una vaddi fruviali abrigada de unus cantus montis a giru de sa bidda, custus serrant unu sistema lagunari cun is poetus e piscinas de Feraxi, Colostrai, Turri Salinas e San Giuanni.Cun probabilidadi meda is primus acontzus de domu fiant "faci a mari" . De inguni si nci est depiu transiri po no essi atacaus de is invasoris e de is corsarius. Sa bidda oiindii, si presentat ke una bidda crescia in dd-unu spatziu obertu, su de sa piana, kena de peruna barrera naturali, e tambeni acapiada a su mari.

A palas de basciu, funt segadas de is strintas vaddis de su Riu Picoca (Arriu Picoca), s'antigu "Saerpus" ki cun probabilidadi meda podit-ai donau su nomini a sa micro-regioni de su Sarrabus.

Sa praya de Costa Rey

Po aterus amantiosus de is paristorias sa boxi "Sarrabus" iat-a depi lompi inderetura de is fitianas incursionis de is piratas saratzenus (árabus), diaici: "is arabus = is-arrabus = (i)sarrabus, o po aterus, iat-a podi derivai puru (cun meda prus probabilidadi) de sa prus antiga tzitadi Punica de Sarcopos, situada oi in su cumunu acanta de Biddeputzi ki po rikesa e influentzia depiad controllai in cusus tempus unu logu bastanti prus mannu, ki cumprendiat Murera e Cirra puru.