Ìsulas Føroyar

Artìculu in LSC

Mapa de s'archipèlagu

Bandera

Posidura in s'otzèanu Atlànticu

Posidura in su Rennu de Danimarca

Is ìsulas Føroyar (pronuntziadu in limba faroesa [ˈfœɹjaɹ]; in danesu: Færøerne [ˈfæɐ̯øːˀɐnə]) sunt unu archipèlagu chi s'agatat intre su mare de Norvègia e s'Altànticu setentrionale, a mesu caminu intre Norvègia e Islanda e 320 km a norte-uestu dae Britànnia Manna.

S'archipèlagu tenet istèrrida aprossimada de 1.400 km2 e populatzione de 48.700 bividores. Est una regione autònoma e natzione costitutiva de su Rennu de Danimarca. Sa capitale est Tórshavn.

Intre su 1035 e su 1814, is ìsulas Føroyar fiant parte de su Rennu de Norvègia. Cun su tratadu de Kiel de su 1814, su cuntrollu de is ìsulas est passadu a sa Danimarca, impare a is àteras regiones fintzas a tando norvegesas de Groenlàndia e Islanda. Dae su 1948 sunt autònomas e in su cursu de is annos ant otentu pòdere subra casi totu is chistiones de polìtica interna, ma non subra sa defensa e is affàrios èsteros.