Britànnia Manna

Dae Wikipedia, s'entziclopedia lìbera.

Coordinatas: 54°04′N 2°37′W / 54.066667°N 2.616667°W54.066667; -2.616667

Flag of the Italian region Sardinia.svg
Articulu in LSC
Flag of the Italian region Sardinia.svg

Sa Britànnia Manna, inditada in ruju intre is ìsulas Britànnicas

Sa Britànnia Manna (in inglesu Great Britain) est un'ìsula de s'Atlànticu chi s'agatat pagu a illargu de sa costera europea norte-otzidentale. Cun istèrrida de 209,331 km2 est s'ìsula prus manna de su cuntinente e sa de noe de su mundu. Contat populatzione de unos 61 milliones de pessones, chi nde faghent fintzas sa de tres ìsulas prus populadas de su mundu, a fatu de Giava (in Indonèsia), e Honshu (in Giapone).

Sa Britànnia Manna est parte de s'archipèlagu de is ìsulas Britànnicas, cumpostu de prus de milli ìsulas intre chi fintzas s'Irlanda.

Atualmente rapresentat sa prus parte de su territòriu de su Rennu Aunidu de Britànnia Manna e Irlanda de su Norte e s'agatat ispartzida in is natziones costitutivas de Galles, Inghilterra e Iscòtzia.

S'unimentu in unu rennu solu torrat a su 1707, cun sa fundidura impare de Iscòtzia e Inghilterra (chi giai contaiat is atuales natziones de Inghilterra e Galles). Prus de una chentina de annos in antis, in su 1603, Jacu VI, re de Iscòtzia, aiat eredadu su tìtulu de re de Inghilterra, ma isceti in su 1707 is parlamentos de is duos istados aiant cuncordadu de si aunire. Su sèculu a pustis, in su 1801, a su rennu de Britànnia Manna fiat azuntu su Rennu de Irlanda, de chi diat nàschere su Rennu Aunidu de Britànnia Manna e Irlanda. In su 1922, totu parte tzentru-meridionale de s'Irlanda s'est rèndida indipendente e s'istadu fiat mudadu nùmene a su de oe, chi benit a èssere Rennu Aunidu de Britànnia Manna e Irlanda de su Norte.

Àteros progetos[modìfica | edit source]