Agiudu:Grafias de Wikipedia

Dae Wikipedia, s'entziclopedia lìbera.
Jump to navigation Jump to search

A oe, sa limba sarda possedit grafias diversas cun sas cales podet èssere iscrita. Esistint grafias ispetzìficas pro una variante, e nd'esistint unas àteras chi si proponent de pòdere èssere aplicadas a cale si siat variante de su sardu. Sa chistione linguìstica sarda, difatis, no est ancora istada risòlvida, gai sa comunidade de sa Wikipedia sarda, analizende in prus bortas sa situatzione, at deliberadu in manera democràtica (segundu sas lìnias ghia de Wikipedia, e duncas no in base a unu simpre nùmeru de votos ma in base a sas bàlidas allegas chi ogni impitadore proponet) de permìtere s'iscritura de sos artìculos de Wikipedia sighende 4 filones fundamentales: su campidanesu, su nugoresu, su logudoresu e sa LSC.

Iscritura de sos artìculos[modìfica | modìfica su còdighe de orìgine]

Tue, comente a impitadore, podes detzìdere cale grafia impreare. Ti pregamus de aplicare sas règulas grammaticales riferìbiles a sa variante cun sa cale boles iscrìere s'artìculu: iscrìere in campidanesu masaprestu chi in nugoresu non signìficat impreare unu limbàgiu pigadu dae su faeddadu o riferìbile esclusivamente a su comunu tuo, ma signìficat èssere a connoschimentu de sas normas gràficas cun cales aporrire tale limbàgiu a s'internu de un'entziclopedia. Podes semper fàghere riferimentu a sos trastos chi Wikipedia ti ponet a disponimentu e consultare sos ditzionàrios agatabiles in custa pàgina. Pro iscrìere una pàgina in LSC podes fàghere riferimentu a su tradutore automàticu apertium.org, ativadu diretamente in Wikipedia (pro impitadores registrados), e/o fintzas impreare su curretore in lìnia de sa regione. Pro iscrìere in sas àteras variedades podes impreare s'àteru curretore in lìnia e ti serbire comente si siat de sos àteros trastos de custa pàgina. Pro tènnere un'idea de comente a ti cumportare cando ti ses acurtziende a Wikipedia, lege su tutorial (chi, comente si siat, no est una ghia cumpleta). Si tenes dudas in s'usu de unu tèrmine chi in sardu (pensas) chi no esistat, controlla in totus sos ditzionàrios chi tenes a disponimentu e in sos trastos digitales, e si non chessis a agatare solutzione a su problema tuo, pedi agiudu a sa comunidade in su Tzilleri, opuru in sa pàgina de cuntierra de s'artìculu chi ses iscriende.

NOTA: Su fatu chi ti siat permìtidu de iscrìere in sa bariedade tua, no ìmplicat chi nche si depat ismentigare de sas règulas fundamentales de Wikipedia impreadas in totu su mundu. Sas boghes depent èssere de calidade e suportadas dae fontes e argumentos esternos, no est sufitziente sa bona fide de sos impitadores pro giustificare un'artìculu.

Coesistèntzia de variantes diferentes[modìfica | modìfica su còdighe de orìgine]

Solu sas pàginas de artìculos podent èssere iscritas in variantes diversas, ma non sas pàginas ispetziales. Permìtere sa coesistèntzia de 4 diversas variantes de iscritura ìmplicat chi carchi argumentu sian tratadu prus de una bia (finas a 4 apuntu).  Custu non bolet nàrrere chi sa comunidade de Wikipedia bògiat promòvere dopiones pro ogni artìculos: ti pedimus de tènnere una mentalidade bastante aberta pro atzetare artìculos iscritos in grafias diversas dae sa tua, e non creare articulos dòpios, etzetu si:

  • S'artìculu chi esistit giai siat un'abbotzu e s'ùrtima muda registrada siat de meda tempus
  • S'artìculu chi esistit giai non respetat sas lìnias ghia de Wikipedia e non siat entziclopèdicu
  • S'artìculu chi boles iscrìere cun sa grafia tua potzat annànghere unu contributu entziclopèdicu ogetivu chi non podet èssere integradu cun s'artìculu chi esistit giai

Est difatis preferìbile chi un'impitadore iscriat un'artìculu subra un’argomentu chi galu no esistit in Wikipedia sarda, pro crèschere s'entziclopedia nostra chi est galu in una fase initziale.

Si ses iscriende una sèrie de artìculos in un'argumentu dillindadu (pro esempru sa fìsica) e bisòngias de fàghere collegamentos tra pàginas de Wikipedia, isfruta sas pàginas chi esistint giai, fintzas si in variantes diversas de cussa impreada dae tene, semper a patu chi sos artìculos siant iscritos bastante bene.

Templates[modìfica | modìfica su còdighe de orìgine]

Pro identificare sos artìculos iscritos in sas diversas variantes esistint duos tipos de templates:

  • su chi identificat sa pàgina primaria chi si impreat cun sa sintassi {{LSC}}, pro esèmpiu de sa LSC, chi aparit comente:


Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu


  • cussu segundariu chi si ponet in sas pàginas ligadas, iscriende {{Variant|LSC}} in su codighe de mitza, ammustradu inoghe a destra.

Flag of Sardinia, Italy.svg
Artìculu in LSC
Flag of Sardinia, Italy.svg



Su primu est postu in sa pàgina cunsiderada printzipale, e permitit de rimandare a sas pàginas de su matessi articulu, iscritas in grafias diferentes.

Su segundu, de su cale agatas prus informatziones inoghe, est una bandera chi avertit de sa variedade cun sa cale est istadu iscritu s'artìculu.

Sintassi de sos templates disponibiles[modìfica | modìfica su còdighe de orìgine]

Sos templates primarios chi podes impreare sunt:

  • {{LSC}} pro iscrìere in LSC
  • {{CAM}} pro iscrìere in campidanesu
  • {{NUG}} pro iscrìere in nugoresu
  • {{LOG}} pro iscrìere in logudoresu

Sos templates segundarios chi podes impreare sunt:

  • {{Variant|LSC}} pro iscrìere in LSC
  • {{Variant|CAM}} pro iscrìere in campidanesu
  • {{Variant|NUG}} pro iscrìere in nugoresu
  • {{Variant|LOG}} pro iscrìere in logudoresu


Critèrios de impreu[modìfica | modìfica su còdighe de orìgine]

Su primu template podet èssere impreadu solu in sa pàgina chi prus de totus respetat sas lìnias ghia fundamentales de Wikipedia:

  • Entziclopeditzidade
  • Puntu de bista neutrale
  • Amprura de s'artìculu
  • Fontes aporridas
  • Formattazione

Annotamala si un'artìculu (in una cale si siat de sas variantes) est iscritu craramente sena respetare sas normas ortogràficas de niuna de sas variantes, perdet su deretu de èssere cunsideradu artìculu printzipale.

Su segundu tipu de template depet èssere impreadu in sas pàginas (non printzipales) iscritas cun sas àteras grafias.

Mudas de una pàgina[modìfica | modìfica su còdighe de orìgine]

Cando una pàgina est iscrita in una variante, no est cuntzèdidu de nde modificare sa natura de sa variante sua. Si una pàgina est iscrita in campidanesu, non faghet a sostituire sos tèrmines campidanesos, a esèmpiu, a praghere de tèrmines nugoresos. Custu arresonu balet naturalmente pro totus sas variantes. Custu gènere de mudas sunt cuntzedidas solu e esclusivamente pro pàginas abbotzos, costituidas dae a beru pagas rigas, ue s’ùrtima muda NON siat reghente. In custu casu est inùtile tènnere pàginas mortas, e est possibile a detzìdere de las sostituire cun artìculos noos, a patu chi custos artìculos noos respetent sas lìnias ghia fundamentales de Wikipedia tzitadas subra. Petzi sos amministradores tenent sos permissos pro burrare una pàgina.

Wikipedia funtzionat segundu sas règulas cumportamentales atzetadas in totu su mundu, de sas cales sa Wikipedia sarda no est esenta, e no est bajuladu unu cumportamentu intzivile nen tantu prus pagu unu vandàlicu. Sos impitadores collàborant semper respetende·si pare, e custu non depet cambiare.

Sebera de sa pàgina primària[modìfica | modìfica su còdighe de orìgine]

Comente si faghet a dogare sa prioridade de una pàgina e la dare a un’àtera pàgina de su matessi argumentu iscrita cun una àtera grafia? Depent èssere respetados sos critèrios tzitados subra, sa pàgina chi si bolet torrare primària depet èssere craramente de calidade majore. A paridade de amprura si cunsìderat sa pàgina cun su majore nùmeru de fontes (elementu fundamentale de Wikipedia). A paridade de fontes, si un'artìculu tenet 50 rigas in prus, si dait un'avisu cun un'apòsitu *template chi inztidat a su megioru de sa pàgina intro 5 dies. In casu contràriu, sa prioridade est persa.

Unos àteros cunsideros[modìfica | modìfica su còdighe de orìgine]

Semus cuntentos de t'àere tra sos impitadores ativos de Wikipedia, e semus seguros chi as a cumprèndere sa fine de custa pàgina de agiudu. Semus totus faghende su màssimu pro evitare cale si siat gherra interna a Wikipedia chi diat a filare fintzas de prus sa limba nostra, male tratada pro sèculos. Si boles dare su contributu tuo, fintzas riguardu custu chi as legidu, lu podes fàghere, ma ammenta·ti semper de lu fàghere partinde dae su presupostu chi custu chi sos impitadores sunt chirchende de otènnere cun su progetu de Wikipedia est sa supravivèntzia de sa limba, subra ogni partzidura territoriale, e custa est sa cosa prus importante. Si boles contribuire ammenta·ti chi t'agatas a s'internu de un' entziclopedia: faghe·lu batinde allegas, e non sentimentos.