Càstia su còdighe de orìgine de Agnese de Càlaris

{{LSC}}{{Biografia|còjube=Marianu II de Torres, Ranieri de Bolgheri de sa Gherardesca ("su Minoreddu")|data_tìtulu2=1232|nùmene_intreu=Agnese (o Agnete) de Lacon-Massa|nùmene_babbu=Gullielmu I Salùsiu IV|nùmene_mama=Adelàide Malaspina|fìgios=[[Adelàsia de Torres]], Beneita, Barisone III de Torres|religione=Catolitzèsimu|data_tìtulu1=1218|nùmene_tìtulu2=Giuighissa regente de Càlaris|data_de_nàschida=pagu prus o mancu su 1195|nùmene_tìtulu1=Giuighissa consorte de Torres|legenda_istemma=Istemma de sas dinastias reales de Torres|immàgine_istemma=Torre Merlata del Giudicato di Torres.svg|data_de_morte=pagu prus o mancu su 1257|logu_de_morte=[[Santa Igia]]|logu_de_nàschida=[[Santa Igia]]|immàgine=Agnese di Massa.jpg|descritzione=Ritratu de fantasia de Agnese de Càlaris, fatu in su 1930|contributos_de_importu=Guvernu de su Giuigadu de Torres, comente giuighissa mugere de Marianu II, e de su Giuigadu de Càlaris comente  giuighissa regente|natzionalidade=sarda|perìodu_de_atividade=1218-1233 (giuighissa mugere de Marianu II de Torres), 1232/33-1238 (giuighissa regente de Càlaris)}}

'''Agnese de Càlaris''', o de Lacon-Massa o, galu, de Massa ([[Santa Ilia|Santa Igia]], pagu prus o mancu su 1195 – Santa Igia, pagu prus o mancu su 1257), est istada una giuighissa de [[Judicadu de Torres|Torres]], comente mugere de Marianu II, e regente de su [[Judicadu de Càlaris|rennu de Càlaris]] (1232/33-1238). <br />

== Biografia ==
Nàschida comente sa de duas fìgias de Gullielmu I Salùsiu IV, de sos Obertengos de Massa e [[Còssiga|Còrsica]], e de Adelàide Malaspina, l'ant dada in isposa pagu prus chi adolescente a su giùighe de su [[Judicadu de Torres|Logudoro]], e dae su cojuiu issoro sunt nschidos sa reina [[Adelàsia de Torres|Adelasia]], Beneita e Barisone III.<ref>Boscolo</ref>
[[File:Ardara_-_Chiesa_di_Santa_Maria_del_Regno_(01).JPG|left|thumb|Crèsia de Santa Maria de su Regnu]]
[[File:Mariano_II.jpg|thumb|Su giùighe Marianu II de Torres, primu maridu de Agnese]]
Adelàsia at a regnare a pustis de su frade paris cun su primu maridu Ubaldu Visconti de Gallura, posca at a assùmere su tìtulu règiu in virtude de su cojuiu cun Enzo de Svevia, fìgiu naturale de s'imperadore Federicu II. Beneita, imbetzes, at cojuadu su conte Bino de Ampurias.<ref>Uras, p. 32</ref>

Su cojuiu de Agnese cun Mariano II at cunvalidadu sa paghe intre Casteddu e Torres e l'ant tzelebradu in sa crèsia de Santa Maria de su Regnu in [[Àldara]], residèntzia privilegiada de sos giùighes de Torres e sede de su palatzu (de su cale oe abarrant pagos restos) e dominàrios nobiliares, de ufìtzios guvernativos e de sa [[Corona de Logu]].<ref>Carta Raspi, p. 261</ref>

Sa sorre manna Beneita at sighidu a su babbu in su regnu de su [[Judicadu de Càlaris|Giuigadu de Càlaris]] e at tentu bator maridos; su maridu de sa minore, Pretziosa, at a èssere Ugone I de Arborea.<ref>Uras, p. 28</ref>

Sa giuighissa Agnese, duncas, at dirìgidu sos preparativos de sos cojuios de Adelàsia cun su chi at a èssere giùighe de Gallura (l'at a divènnere in su 1225) fatos in sa [[Basìlica de Saccàrgia|basìlica de sa Santìssima Trinidade de Saccàrgia]]: sos isposos, giòvanos a beru ca teniant ambos doighi annos, s'ant tramudadu a [[Terranoa|Civita]]. In su 1232 est mortu Mariano II, e Barisone III, chi in cussu momentu teniat ùndigh'annos, at pigadu su postu suo assistidu dae unu cussìgiu de regèntzia presididu dae su tziu dae s'ala de su babbu, Ortzocu De Serra, chi at esclùdidu a Agnese. Non si connoschent sas resones de custu atu, dèpidu fortzis a un'issèberu personale de sa giuighissa o a atritos cun sa famìlia de su mortu.<ref>Pinna, p. 228</ref>

Agnese at isseberadu, tando, de torrare a [[Santa Ilia|Santa Igia]] e no at bidu prus sos fìgios suos. Barisone l'ant assassinadu in su 1236, in [[Sòssu|Sossu]], durante una rivolta pobulare.<ref>{{Tzita web|url=http://www.treccani.it/enciclopedia/agnese-di-massa_(Dizionario-Biografico)|tìtulu=Agnese di Massa|atzessu=23 marzo 2020}}</ref> Adelàsia, artziada a su tronu, at cumpartzidu su podere, comente giai naradu, dae su 1238 cun su maridu nou suo, Enzo de Hohenstaufen, chi tando teniat degheott'annos. Isòrbidu prus a tardu custu vìnculu, s'est retirada in manera voluntària in su casteddu de Su Burgu, in ue at a mòrrere in su 1259.<ref>Uras, p. 121</ref>

Agnese at ghiadu su [[Judicadu de Càlaris|regnu de Càlaris]] a pustis de sa morte de sa giuighissa [[Beneita de Càlaris|Beneita]] in nùmene de su nebode [[Gullielmu II Salusio V|Gullielmu II Salùsiu V]]. Cojuada·si pro sa segunda borta cun Ranieri de Bolgheri de sa Gherardesca, mutidu "su Minoreddu", at tentu unu ruolu de annotu in su perìodu conclusivu de su [[Judicadu de Càlaris|giuigadu,]] finas a cando s'ocupatzione sua fata dae sa [[Repùblica de Pisa|repùbblica de Pisa]] est acabada cun sa destruidura de [[Santa Ilia|Santa Igia]] e de su palatzu suo.<ref>Pinna. p. 231</ref>

Sa fèmina nòbile fiat istada determinada meda in su minimare sos dannos e sas cunsighèntzias de sa polìtica dudosa de sa sorre e, in una lassa fata a unu monastèriu, s'est definida "Sennora de su giuigadu de Càlaris".<ref>Pinna, p. 227</ref> Su conte Ranieri est mortu in su 1238 e sa biuda, apojada dae su paba Gregòriu IX ostile a sos Viscontes, at sighidu a coordinare comente podiat s'amministratzione de su regnu, in cussu momentu giai in suta de su domìniu de sos pisanos, che a suportu pro sos pro-nebodes [[Giovanni Torchitorio V|Giuanne Torchitòriu V]] e [[Gullielmu III Salusio VI]], naradu ''Cèpola'', a su cale, in su testamentu de su 28 de [[santugaine]] de su 1256, at lassadu sos diritos personales suos. Gullielmu III at a èssere s'ùrtimu giùighe de Casteddu, galu pro duos annos. Agnese est morta in su 1257 e l'ant sepultada in sa sea de Santa Tzetzìlia (aterrada a pustis), in [[Santa Ilia|Santa Igia]], a curtzu a sas tumbas de su babbu e de sa mama Adelàide, fìgia de una Frangipani e de su marchese Moruello Malaspina.<ref>Uras, p. 223</ref>

== Riferimentos ==
<references />

== Bibliografia ==

*{{Limbas|it}}Alberto Boscolo, ''Agnese di Massa'', in "Dizionario Biografico degli Italiani", Treccani, Roma 1966
*{{Tzita libru|nùmene=Raimondo|sambenadu=Carta Raspi|tìtulu=Storia della Sardegna|annu=1971|editore=Mursia|tzitade=Milanu|limba=it|OCLC=462998915|ISBN=9788842506850|SBN=IT\ICCU\TO0\0752056}}
*{{Limbas|it}}Raimondo Pinna, ''Santa Igia, la città del giudice Guglielmo'', Condaghes, Casteddu 2010
*{{Limbas|it}}Antonietta Uras, ''L'ultima regina di Torres'', Curcio, Roma 2014

== Artìculos ligados ==

*[[Barisone III de Torres]]
*[[Marianu II de Torres]]

[[Categoria:Istòria de Sardigna]]
[[Categoria:Sardos]]
[[Categoria:Giuigadus sardus]]
[[Categoria:Biografias]]