Albina Angioni

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Albina Angioni
Nàschida20 de trìulas de su 1936
Pauli
Morte4 de trìulas de su 2012
Pauli
Natzionalidadesarda
Tzitadinàntziaitaliana
GenitoresMama: Saturnina
Babbu: Albino Angioni
CòjubeCesello Dessì
Alma materUniversidade de Casteddu
Traballupotecària, professora, poetissa, iscritora, commediògrafa e istudiosa
Professionepotecària, professora
PrèmiosPrèmiu "Alziator" pro s'òpera poètica "Pensamentos"

Albina Angioni (Pauli, 20 de trìulas de su 1936Pauli, 4 de trìulas de su 2012) est istada una poetissa, iscritora, commediògrafa e istudiosa sarda.

Biografia[modìfica | modìfica su còdighe de orìgine]

Albina Angioni naschet su 20 de trìulas de su 1936 in Pauli, sa prus manna de ses fìgios de Saturnina, mastra de partu, e de Albinu, carabineri, ambos originàrios de Sestu. Sa famìlia s'at a tramudare a Tonara, in Barbàgia, pro more de sos bumbardamentos americanos, e at a torrare a domo sua a pustis.

A noe annos benit corfida dae una maladia reumàtica, chi l'at a causare problemas a a su coro e chi l'at a afigire pro totu sa bida sua.

S'iscriet a su litzeu sientìficu Michelangelo de Casteddu, e a pustis a s'Universidade de sa tzitade, in ue s'at a laureare in Potecaria.

A metade de sos annos '50 si cojuat cun Cesello Dessí, unu campione sardu de tziclismu. In su 1959 si torrat a iscrìere a s'Universidade, in sa facultade de Sièntzias Naturales, laureende·si in pagu tempus.

Pro unos cantos annos faghet sa farmacistae, a pustis, si dedicat a s'insegnamentu de sa matemàtica e de sas sièntzias, in sas iscolas mèdias e superioras pro 25 annos. A sa fine de sos annos '90, incumentzat a iscrìere e a publicare in sardu versos, contos e cummèdias.

In su 2000 le dant su prèmiu "Alziator" pro s'òpera poètica "Pensamentos".[1]

Sa prima publicatzione, est de su 2002, e est una regorta de poesias chi si mutit Inbentu sa luxi - Poesias (Editziones Grafica del Parteolla). A pustis, colat dae sas poesias a sas cummèdias. Sa prima cummèdia sua est Sa rebelliòni de is maladìas, chi essit in su 2003 e benit rapresentada in Pauli, in su 2005, dae sa cumpangia teatrale Filodrammàtica Lassalliana, in su teatru de s'Iscola de su Pitzinnu e in s'àmbitu de sa rassegna teatrale “S'Arruga noa”, chi cuddu annu fiat istada dedicada a “Sa fèmina sarda tra deventali e muccadori” e prus in generale a sa figura feminile in su teatru sardu.[2] In su 2010 l'ant torrada a rapresentare.

Sa de duas cummèdia est Sa littra de mariedda, publicada in su 2006, chi benit rapresentada, semper dae sa Filodrammàtica Lassalliana, in su 2007[3]e, torra, in su 2013.[4] Sa sua de tres e ùrtima cummèdia est Sa Partenza - Sa prenetta de Giuditta Cadena, publicada in su 2008.

Òperas[modìfica | modìfica su còdighe de orìgine]

  • Albina Angioni, Inbentu sa luxi - Poesias, Patiolla, Grafica del Parteolla, 2002, ISBN 978-88-88246-16-1.
  • Albina Angioni, Sa rebelliòni de is maladìas, Patiolla, Grafica del Parteolla, 2003.
  • Albina Angioni, Sa littra de mariedda e contus de su tempus chi currit, Turistel, 2006, ISBN 9788890230905.
  • Albina Angioni, Sa Partenza - Sa prenetta de Giuditta Cadena, 2008.

Riferimentos[modìfica | modìfica su còdighe de orìgine]

  1. (IT) A due scrittrici il primo riconoscimento per le sezioni poesia e racconti Premio "Alziator", in La Nuova Sardegna, 8 gennaio 2000. URL consultadu su 3 maju 2020.
  2. (IT) I Rassegna-S’Arruga-Noa-2005, in Associazione Culturale Filodrammatica Lasalliana. URL consultadu su 22 maju 2020.
  3. (IT) Sa littra de Mariedda 2007, in Associazione Culturale Filodrammatica Lasalliana. URL consultadu su 22 maju 2020.
  4. (IT) VIII RASSEGNA S’ARRUGA NOA 2013, in Associazione Culturale Filodrammatica Lasalliana. URL consultadu su 22 maju 2020.

Bibliografia[modìfica | modìfica su còdighe de orìgine]

  • (ITSC) Francesco Casula, Letteratura e Civiltà della Sardegna - Volume III - Il Teatro in Lingua Sarda, Patiolla, Grafica Del Parteolla, 2020, ISBN 978-88-6791-231-5.