Antonello Mura
campidanesa. Abbàida sas àteras bariedades gràficas:
logudoresu · LSC · nugoresu
| Antonio Mura | |
| pìscopu de sa Crésia Catolica | |
| |
| Tìtulu: | pìscopu de Nùgoro e Lanusei |
| Incàrrigos atuales: | presidenti de sa Ces |
| Incàrrigos betzos: | pìscopu de Lanusei
aministradori apostòlicu de Lanusei |
Antonio (nòdidu Antonello) Mura (Bortigale, 28 mes'e idas 1952) est unu pìscopu catòlicu italianu, de su 2 de trìulas 2019 pìscopu de Nùgoro, de su 14 de gennàrgiu 2020 presidenti de sa Cunferèntzia obispali sarda e de su 9 de abrili 2020 pìscopu de Lanusei.
Biografia[modìfica | modìfica su còdighe de orìgine]
Nascit in Bortigale, in provìncia de Nùgoro e diòcesi de S'Alighera, su 28 de mes'e idas 1952.
Pesadia e ministèriu satzerdotali[modìfica | modìfica su còdighe de orìgine]
Cumprit is stùdius superioris ande s'istitutu tècnicu po geòmetras de Macumere e, a pustis de dus annus de universidadi, de su 1974 frecuentat su seminàriu. Cunsighit ande s'Universidadi Pontifìcia Salesiana su bacalaureau in Filosofia e in Teologia, duncas sa licèntzia in Teologia Dogmàtica ande sa Facultadi Pontifìcia Teològica de sa Sardigna e sa làurea in Pedagogia e in Filosofia, a s'Universidadi de is stùdius de Tàtari.
Su 1 de austu 1979 est ordinau presbìteru, in sa crèsia parrochiali de santa Maria de is Angelus in Bortigale, de s'archipìscopu Francesco Spanedda. Su primu incàrrigu chi coberit est su de vice-vicàriu in sa parròchia de Santu Franciscu in Macumere.
In su 1982 est numenau animadori de su Seminàriu regionali sardu de Casteddu.
De su 2012 a su 2014 est vicàriu obispali po sa cultura e pàrracu de sa parròchia de su Nòmini Santìssimu de Gesùs in S'Alighera.
Ministèriu obispali[modìfica | modìfica su còdighe de orìgine]
Su 31 de gennàrgiu 2014 papa Franciscu ddu nòminat pìscopu de Lanusèi; sucedit a Antioco Piseddu, dimìtidu·si po cròmpidas làcanas de edadi[1]. Su 25 de martzu arricit s'ordinatzioni obispali, in sa cuncatedrali de sa Cuncetzioni Imaculada de Bosa, de s'archipìscopu Giovanni Angelo Becciu (posca cardinali), co-cunsagrantis su pìscopu Mauro Maria Morfino e s'archipìscopu Arrigo Miglio. Su 27 de abrili pigat possessu de sa diòcesi.
Su 2 de trìulas 2019 su matessi papa ddu nòminat pìscopu de Nùgoro, lassendi·ddu aministradori apostòlicu de Lanusèi; sucedit a Mosè Marcia, dimìtidu·si po cròmpidas làcanas de edadi[2]. Su 15 de cabudanni 2019 pigat possessu de sa diòcesi, in sa catedrali de Santa Maria de sa Nie in Nùgoro.
Su 14 de gennàrgiu 2020 est elìgiu presidenti de sa Cunferèntzia obispali sarda[3], e po tantu coberit fintzas s'incàrrigu de grandu cantzilleru de sa Facultadi Pontifìcia Teològica de sa Sardigna[4].
Su 9 de abrili 2020, papa Franciscu at uniu in persona episcopi is diòcesis de Nùgoro e Lanusei, nominendi·ddu torra pìscopu de cust'ùrtima sedi, pighendi·sì possessu su 27 maju[5].
Genealogia obispali[modìfica | modìfica su còdighe de orìgine]
Sa genealogia obispali est:
- Cardinali Scipione Rebiba
- Cardinali Giulio Antonio Santori
- Cardinali Girolamo Bernerio, O.P.
- Archipìscopu Galeazzo Sanvitale
- Cardinali Ludovico Ludovisi
- Cardinali Luigi Caetani
- Cardinali Ulderico Carpegna
- Cardinali Paluzzo Paluzzi Altieri degli Albertoni
- Papa Beneitu XIII
- Papa beneitu XIV
- Papa Clementi XIII
- Cardinali Marcantonio Colonna
- Cardinali Giacinto Sigismondo Gerdil, B.
- Cardinali Giulio Maria della Somaglia
- Cardinali Carlo Odescalchi, S.I.
- Pìscopu Eugène de Mazenod, O.M.I.
- Cardinali Joseph Hippolyte Guibert, O.M.I.
- Cardinali François-Marie-Benjamin Richard
- Cardinali Pietro Gasparri
- Cardinali Clemente Micara
- Cardinali Antonio Samorè
- Cardinali Angelo Sodano
- Cardinali Giovanni Angelo Becciu
- Pìscopu Antonio Mura
Riferimentus[modìfica | modìfica su còdighe de orìgine]
- ↑ Rinunce e nomine. Rinuncia del Vescovo di Lanusei (Italia) e nomina del successore, in press.vatican.va, 31 gennaio 2014. URL consultadu su 17 gennaio 2020.
- ↑ Rinunce e nomine. Rinuncia del Vescovo di Nuoro (Italia) e nomina del successore, nominandolo contestualmente Amministratore Apostolico di Lanusei, in press.vatican.va, 2 luglio 2019. URL consultadu su 17 gennaio 2020.
- ↑ Mons. Antonello Mura, vescovo di Nuoro, è il nuovo presidente della Conferenza Episcopale Sarda., in La Provincia del Sulcis Iglesiente, 14 gennaio 2020. URL consultadu su 17 gennaio 2020.
- ↑ Conferenza Episcopale Sarda, i nuovi incarichi, in pfts.it, 14 gennaio 2020. URL consultadu su 17 gennaio 2020.
- ↑ Rinunce e nomine. Nomina del Vescovo di Lanusei (Italia), in press.vatican.va, 9 aprile 2020. URL consultadu su 9 aprile 2020.