Antoni Simon Mossa

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

« S'innorantzia nostra nos fachet menispressiare tottu su chi est nostru. »
« Si unu populu non si la picat s'indipendentzia politica sua, no podet esser suzetu de s'istoria sua ma at a abbarrare a s'umbra de sa nassione chi l'at binta e dominada. »
Antoni Simon Mossa

Antoni Simon Mossa (Padova, 22 de Sant'Andria de su 1916Tàtari, 14 de trivulas de su 1971) est istau un'architettu, zornalista, poete, iscritore e politicu, esponente ideolozicu de s'indipendentismu sardu[1][2].

Bida[modìfica | modìfica su còdighe de orìgine]

De erentzia s'aligaresa, si ch'est laureau in architetura e cumintzat a traballare in Tatari e in S'Alighera, in ube s'interessat meda de su sardu e de su s'aligaresu, tantu chi nd'at iscrittu unu liberu de grammatica e, in su mese de Capidanne de su 1959, fravicat un'iscola in ube s'imparabat s'archeolozia, s'istoria e sa curtura sarda in custu limbazu. Dae su 1961 pro deche annos est presidente de su sotziu curturale s'aligaresu chi aiat fundau, su Centre d'Estudis Algueresos. In su mentras, at fattu biazos de istudiu peri sa Catalugna, sa Corsica, su Paisu Bascu, sa Galitzia, s'Alsatzia, sas Friandas, su Galles ei s'Iscotzia, adobiande sas pessonalidades prus mannas de su locu. Cumintzat a picare s'istrada de su nassionalismu sardu in cuntierra chin su messazu tradissionale autonomista de s'ala sardista. Si allegat de facher torrare s'identidade sarda a sos sardos, comunidade chi tenet un'istoria, una curtura e limba propia chi si nch'est isperdende pro more de su colonialismu italianu. Pessat chi s'unica manera de nch'essire a capu siat cussa de su sotzialismu e, una borta chi si at tentu s'indipendentzia, si depat fravicare una federassione europea chi nde diat facher parte s'isula, aende cuntattos mascamente chin sa Corsica e sa Catalugna. At fundau, paris chin Zuanne Pedru 'e Marras, prima su "Muimentu Indipendhentistigu Revolussionàriu Sardu" e a pustis sa truma "Sardigna Libera". Siche morit de maladia in su 1971.

Atividade architetònica[modìfica | modìfica su còdighe de orìgine]

In S'Alighera e Fertìlia[modìfica | modìfica su còdighe de orìgine]

  • Escala del Cabirol (Iscala de su Dàinu), rampa di 670 gradinos in Capu Catza, a curtzu de sas Grutas de Netunu
  • Hotel Capo Caccia, Hotel Carlos V, Hotel Porto Conte, Hotel Balear, Hotel El Faro, Hotel Corte Rosada, Hotel La Lepanto, Hotel Coral, Hotel Punta Negra e Hotel Dei Pini
  • Restàuru de s'Hotel Villa las Tronas
  • Palau de València, Palau del Sol, Ospedale Civile e Ospedale Marino, Casa di riposo per anziani, Villa Plaisant e Villa Risso
  • Villa Padùla in Fertìlia
  • Pranu regoldtore de S'Alighera
  • Aeroistatzione de s'Aeroportu de S'Alighera-Fertìlia, a pustis adotada dae su Ministèriu de s'Aviatzione Tzivile italianu che a modellu pro sa costrutzione de una sèrie de aeroportos minores pro s'Itàlia meridionale
  • Ristruturatzione de sa Sea de Santa Maria, Crèsia de Santu Frantziscu, cùpola de sa Crèsia de Santu Micheli e Molu betzu de Turilli
  • Crèsia de Santu Marcu e su Belvedere a mare in Fertìlia

In Tàtari, Istintinu e Sossu[modìfica | modìfica su còdighe de orìgine]

  • Brefotrofio, palatzu Las Floridas, Bar Pirino (chi oe est su tzilleri Maraviglia), Bar Cafezinho, Bar Aroni e sa Sea de s'Automobil Club Italianu
  • Villas medas a curtzu de Santu Pedru de Silki
  • Ristruturatzione e restàuru de Crèsia de Santu Donatu, Crèsia de Santu Sistu e Crèsia de Sant’Apollinare
  • Hotel Cala Reale, Villa dello Svizzero e Villa Silvestrini in Istintinu
  • Hotel Del Golfo e Villaggio La Plata in Pratamona, ristruturatzione Crèsia de Santu Pantaleu, Asilu Catta, Iscolas elementares e Iscolas mèdias in Sossu
  • Arredos internos de sa Libreria istòrica Messaggerie Sarde

In su restu de sa Sardigna[modìfica | modìfica su còdighe de orìgine]

Òperas[modìfica | modìfica su còdighe de orìgine]

Atividade tzinematogràfica[modìfica | modìfica su còdighe de orìgine]

  • Agiudu regista in su film "Bengasi" de Augusto Genina, Bassoli Film, 1942.
  • Agiudu regista in su film "Marika" de Harry Hasso, Bassoli Film, 1942.
  • Agiudu regista in su film "Corsica" de Augusto Genina, Istitutu Luce, 1942.

Atividade zornalìstica[modìfica | modìfica su còdighe de orìgine]

  • Redatore de s'istatzione de Radio Sardegna dae su mese de nadale de su 1944 a su de cabudanni de su 1945 (radiocrònacas, radiorivistas e arresonos de crìtica artìstica);
  • Redatore de sa rivista "Il Solco", setimanale de su Psd'Az, dae su mese de santugaine de su 1944 a su de cabudanni de su 1945.

Notas[modìfica | modìfica su còdighe de orìgine]

  1. Sarvadore Serra, Antoni Simon Mossa, intelletuale aligheresu eclèticu - LIMBA SARDA 2.0, in Limba Sarda 2.0. URL consultadu su 26 santandria 2019.
  2. Anthony Muroni, Antoni Simon Mossa, architetu in Sardigna, in Anthony Muroni.it, 10 nadale 2016. URL consultadu su 26 santandria 2019.

Bibliografia[modìfica | modìfica su còdighe de orìgine]

Àteros progetos[modìfica | modìfica su còdighe de orìgine]

Wikiquote italiana Sa Wikiquote italiana tenet tzitatziones de Antoni Simon Mossa

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN34161256 · ISNI (EN0000 0000 4880 3735 · CANTIC (CAa10614035 · LCCN (ENno2004016546 · SUDOC (FR146085302 · WorldCat Identities (ENno2004-016546