Bandera de Arbaree

Articulu in logudoresu

Sa bandera de Arbaree, s’àrbure de sos sardos, est una de sas banderas de sa Sardigna. Fiat sa bandera de su Giuigadu de Arborea in tempos Bizantinos e Giuigales.

A pàrrere de carchi istudiosu che a Emmanuel Anati custu sìmbulu ,e fintzas su de s’àtera bandera sarda, sos bator moros, derivant dae sos Templares.

Dae su tribagliu de ateros istudiosos, comente Antoni Arca, est bessidu a campu chi sa bandera cun s'arbure fit, in realidade, su vessillu de sos Bas-Serra, casatu catalanu-aragonesu, chi lu giughesint a Sardigna e nde faghesint s'istemma de su Juigadu de Arbaree. Pro s'istudiu de Arca e de ateros istoricos, duncas, s'arbure no est "sardu" tantu cantu sos bator moros, batidos issos puru dae sos catalanos-aragonesos, e ammustrat petzi sa paga connoschentzia de sos Sardos de s'istoria issoro.

Impreos de oe

S’àrbure de sos sardos est oe su sìmbulu de sa Banca de Tàtari, de su partidu indipendentista sardu Indipendentzia Repùbrica de Sardigna (in ruju e in nieddu leande sos colores dae sa bandera de sos bator moros) e de sa Distilleria de Silvio Carta de Boàtiri chi imprentat s’àrbure subra de sas ampullas de abardente chi produit.

Propostas de adotzione

Consigeris de su Consìgiu Regionale sardu ant propostu una leze chi si at a èssere colada, at a pigare sa bandera de Arbaree a bandera natzionale sarda.

Esempros de arbures

• 
• 
• 

Boghes curreladas

• Bandera de sos battor moros

Bibliografia

Subra de custu sìmbulu b’at una literatura de balia:

• (IT) Barbara Fois, Lo stemma dei quattro mori: breve storia dell'emblema dei sardi . Sassari, Carlo Delfino Editore, 1990
• (IT) Castellaccio, M. Sollai, Monete e monetazione giudicale: la scoperta dei denari d'Arborea. Pisa, 1985.
• (IT) Sedda, Franciscu, La vera storia della bandiera dei sardi, Casteddu, Condaghes 2007.
• (IT) Micheli Ladu S’àrvule de sos sardos, Condaghes, 2005