Bernardino Palazzi
Limba Sarda Comuna. Abbàida sas àteras bariedades gràficas:
Bernardino Palazzi (Nùgoro, 22 de nadale de su 1907 - Roma, 13 de santandria de su 1986) est istadu unu pintore sardu.[1]
Biografia
[modìfica | modìfica su còdighe de orìgine]Est nàschidu in Nùgoro, fìgiu de Francesco, pesaresu, e de Pasqualina Siotto de Orane.[2] A pustis de sos primos istùdios, in Nùgoro e in Tàtari, est andadu a Roma pro istudiare s'arte, sighende posca in Firenze e in Pàdova. Sas primas espositziones suas in Venètzia, a curtzu a su 1925, ant collidu opiniones positivas de sa crìtica e in su 1928 l'ant invitadu a sa biennale de Venètzia. In su 1929 s'est istabilidu in Milanu e in cue est intradu in cuntatu cun su grupu de carrera Bagutta chi at pintadu in su cuadru suo prus famadu, un'ògiu in tela de 155 x 250 cm, espostu in sa de XX Biennales de Venètzia e cunservadu in sa Galleria cumonale de Arte Moderna de Milanu.[3] In su 1946, acabada sa gherra, at cojuadu sa modella Maray Abbove e, fintzas si sa fama sua fiat acabende, at sighidu a traballare e a espònnere cun unu sutzessu discretu. In su 1961 at illustradu, cun 320 disinnos a pastellu, sa Storia della mia vita (S'Istòria de sa vida mea) de Giacomo Casanova e in su 1970, cun 40 tàulas a tèmpera, sa Gerusalemme liberata de Torquato Tasso. Corfidu dae un'ictus in su 1985, est mortu s'annu sighente a s'edade de setantanoe annos.[1]
Espositziones printzipales
[modìfica | modìfica su còdighe de orìgine]- Sa de IV Espositziones de Arte de sas Tres Venètzias (1926).
- Biennale de Venètzia (1928 e posca, cun continuidade, finas a su 1948).[1]
- Quadriennale natzionale de arte de Roma in su Palatzu de sas Espositziones (1931, 1939, 1943, 1948, 1959).
- I Mustra regionale de sas artes figurativas in Sardigna (1959).[4]
Notas
[modìfica | modìfica su còdighe de orìgine]- ↑ 1.0 1.1 1.2 (IT) Francesco Franco, PALAZZI, Bernardino in "Dizionario Biografico", in www.treccani.it. URL consultadu su 20 abrile 2018.
- ↑ (IT) Raffaele De Grada, Bernardino Palazzi, in Issuu, p. 37. URL consultadu su 20 abrile 2018.
- ↑ (IT) Rita Ladogana, Bernardino Palazzi (PDF), in sardegnacultura.it, pp. 34 e 35. URL consultadu su 20 abrile 2018 (archiviadu dae s'url originale s'11 nadale 2019).
- ↑ (IT) Bernardino Palazzi, in Galleria Artespazio. URL consultadu su 23 abrile 2018.
Bibliografia
[modìfica | modìfica su còdighe de orìgine]- (IT) Raffaele De Grada, Bernardino Palazzi (PDF), in Grandi Monografie, Nuoro, Ilisso edizioni, 1988, ISBN 88-85098-03-7. URL consultadu s'11 nadale 2019 (archiviadu dae s'url originale s'11 nadale 2019).
- (IT) Rita Ladogana, Bernardino Palazzi (PDF), in I Maestri dell'Arte Sarda, Nuoro, Ilisso edizioni, 2005, ISBN 88-89188-10-3. URL consultadu s'11 nadale 2019 (archiviadu dae s'url originale s'11 nadale 2019).
Ligàmenes esternos
[modìfica | modìfica su còdighe de orìgine]Francesco Franco, PALAZZI, Bernardino in "Dizionario Biografico", in www.treccani.it. URL consultadu su 20 abrile 2018.
| Controllu de autoridade | VIAF (EN) 96200279 · ISNI (EN) 0000 0000 8168 4571 · GND (DE) 119078899 · LCCN (EN) n50051827 · SUDOC (FR) 199234272 · ULAN (EN) 500073749 · WorldCat Identities (EN) n50-051827 |
|---|