Cannita

Dae Wikipedia, s'entziclopedia lìbera.
Jump to navigation Jump to search

Sa cannita (o pazighedda) est unu traste impreadu pro bufare. Est chistione de unu tubigheddu chi permitet de surbare sas bufaduras sena ponner sos lavros a cuntatu cun su cuntenidore. Sas primas atestaduras zai s’agatant in sos zinzillos sumèrigos in antis de s’era nostra, chi amustrant diferentes pessones impreende cannas longas pro bufare birra dae retzipientes mannos. Posteriormente, sunt istadas imbentadas cannitas de paza, cando chi oe sa bersione prus ispainada est realizada in pràstiga. De medidas meda bariadas cunforme a s’impreu, sas chi cumpretant pabilotes unidòsigos non sunt prus longas de su cuntenedore cun su cale sunt fornidas (che sos sutzos de frùtora). Sas cannitas de tzilleri sunt longas unos binti chentìmetros, mancari bi nde siant de longàrias bariàbiles, finas a unu metru, de diàmetru dae 3 a 8 mm. (pro bufaduras densas che su frapè o sa carapinna). Pro sarvabardare s’izene, sunt disponìbiles finas cannitas insubradas individuarmente. Belle chi sas primas cannitas èsserent deretas, a sa posteriora si sunt ispainadas cannitas chi s’istremidade superiore est repinnigàbile de 180 grados gràssias a unas cantas pìnnigas: custu lis permitet de ocupare prus pagu tretu e de cumbidare una cumodidade prus manna de impreu.